Ақмола облысында 17 жасар ер бала суицид жасады

КӨКШЕТАУ. ҚазАқпарат - Ақмола облысының Есіл ауданында 17 жасар ер бала суицид жасады. Бұл туралы құқық қорғау қызметкерлері хабарлады.

«Қайғылы оқиға маусымның 2-і күні Есіл ауданының Жаныспай ауылында орын алған. 11 сынып оқушысы, 1998 жылғы ер бала өз үйіндегі мал қорасының ішінде асылып қалған.

Әзірге, жасөспірімнің мұндай қадамға неліктен барғаны белгісіз. Тек, оның ата-анасы бар және көрші Ковыльное селосындағы орта мектепте оқығаны анықталып отыр. Қазіргі кезде тексеріс жүргізілуде», деді құқық қорғау қызметкері.