Ақмола облысы жастар саясаты басқармасының қызметкерлері бюджет қаражатын жымқырған

None
None
НҰР-СҰЛТАН. ҚазАқпарат – Ақмола облысы жастар саясаты басқармасының қызметкері және қоғамдық бірлестіктердің бірқатар өкілдері бюджет қаражатын жымқырған. Бұл туралы ҚазАқпарат Агенттіктің баспасөз қызметіне сілтеме жасап хабарлайды.

«Ақмола облысының сыбайлас жемқорлыққа қарсы қызметі «Ақмола облысы жастар саясаты басқармасы» КММ бас маманы Қ.М.Асқарға, қоғамдық бірлестіктердің өкілдері Б.Н.Әнуарбек, А.А.Исин, Е.Б.Нұрахмет пен Ш.К.Жүсіповке қатысты сотқа дейінгі тергеуді аяқтады. Олар алаяқтық жасап, жалған шарттар мен есеп беру құжаттарын дайындау және пайдалану арқылы «Жасыл ел» еңбек жасақтарының қызметін ұйымдастыру бойынша мемлекеттік әлеуметтік тапсырыс шеңберінде бөлінген 1 416 954 теңге сомасында бюджет қаражатын жымқырды», - делінген хабарламада.

Ағымдағы жылдың 9 қазанында Көкшетау қалалық сотының үкімімен аталған тұлғалар кінәлі деп танылып К.М.Асқарға – мемлекеттік қызметте өмір бойы мемлекеттік қызметте істеу құқығынан айыру және 14 169 540 теңге сомасында айыппұл төлеу, ал Б.Н.Әнуарбек, А.А.Исин, Е.Б.Нұрахмет және Ш.К.Жүсіпов – 2 жыл мерзімге бас бостандығын шектеу жазалары тағайындалды.

Соңғы жаңалықтар