+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

Ақмола облысы: Мектеп пен колледждердегі музейлерде 32 мыңнан астам жәдігер бар

2019 жылғы 11 ақпан 14:57
Бөлісіңіз:
Ақмола облысы: Мектеп пен колледждердегі музейлерде 32 мыңнан астам жәдігер бар

КӨКШЕТАУ. ҚазАқпарат - Ақмола облысындағы мектептер мен колледждердегі музейлерде 32 мыңнан астам музей жәдігер бар, деп хабарлайды ҚазАқпарат тілшісі облыстық білім басқармасының бас маманы Марина Лиге сілтеме жасап.

Басқарманың бас маманы мектеп музейлерін дамыту бойынша өңірлік инновациялық алаңның жұмысы туралы айтып берді.

«Мектеп музейлерін дамыту бойынша өңірлік инновациялық жоба өңірдегі барлық білім беру ұйымдарындағы музей кеңістігін дамытуға бағытталған. Оқушыларды отансүйгіштікке, патриотизмге тәрбиелеп, азаматтық сана мен жоғары адамгершілік қассиеті қалыптастыруда музей білім-тәрбиеде үлкен әлеуетке ие», дейді Марина Ли.

Оның айтуынша, жоба арқылы мектептердегі білім кеңістігінде музей қозғалысын дамытуға, оқушылардың зерттеушілік жұмыстарға бейімділігін арттыруға, балалардың шығармашылық мүмкіндіктерін қолдауға, қазақ халқының мәдениетіне деген қызығушылығын арттыруға, өткен ұрпақтың адамгершілік құндылықтарын құрметтеуге жағдай жасау көзделген.

«Музей көп еңбекті қажет етеді. Оны ашу үшін өлкетану және археологиялық салада жұмыс істеуің қажет. Оқушылардың көпшілігі іздестіру-жинақтау жұмыстарына, археологиялық экспедиция және ғылыми-зерттеу өлкетану жобаларына қатысады. Осының арқасында мектептегі музейлер саны жылдан жылға артып келеді. Мәселен, 2017 жылы Ақмола облысындағы мектептер мен колледждерде барлығы 194 музей болса, 2018 жылы - 215, қазір оның саны 237 музейге жетті. Ал, олардың барлығында 32 мыңнан астам жәдігер бар», дейді Марина Ли.

Айта кетейік, Ақмола облысының Ақкөл, Жарқайың және Жақсы аудандарында мектептердің барлығында 100 пайыз музей бар. Оның ішінде Жақсы ауданындағы 3 музейді цифрландыру жұмыстары жүргізілуде. Сонымен қатар, биылғы жылы облыстағы барлық музейлердің төлқұжаттары жасалынатын болады.

Фото: 716.kz

Біздің каналымызға жазылыңыз:

Басты сөздер: Ақмола облысы, Мәдениет,
Бөлісіңіз:

Автор:

Аслан Оспанов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT