Ақкөл қаласында 1 жастағы сәби ыстан уланып қалды

КӨКШЕТАУ. ҚазАқпарат - Ақмола облысының Ақкөл қаласында жеке меншік тұрғын үйде 1 жастағы сәби ыстан уланып қалды.

Бұл туралы аймақтық ТЖД баспасөз қызметінен хабарлады.

«Келеңсіз жағдай 27 қараша күні кешкі сағат 20:06 минут шамасында Ақкөл қаласындағы жекеменшік тұрғын үйде болған. Үйді түтінен арылту жұмыстарына «Өрт қызметі және апатты-құтқару жұмыстары» ММ-нің жеке құрамынан 4 адам және 1 арнайы өрт сөндіру техникасы жұмылдырылды. Оқиға орнынан 2014 жылы туылған сәби «ыстан уланған» диагнозы бойынша аудандық ауруханаға жатқызылды.