Әкімдік қарағандылықтарды қысқа ерте бастан қамдануға шақырды

ҚАРАҒАНДЫ. ҚазАқпарат - Қарағанды облысында қатты отын сатылатын орындардың картасы жасалды. Билік тұрғындарды қазірден бастап қысқа көмір қамдауға шақырып жатыр, деп хабарлайды ҚазАқпарат тілшісі облыс әкімдігінің баспасөз қызметіне сілтеме жасап.

Интербелсенді картаның көмегімен жақын маңдағы көмір сататын кәсіпорындарды, тіпті олардың телефон нөмірін де білуге болады. Қазіргі кезде бір тонна көмірдің бағасы 7 000-15 000 теңге айналасында.

Биыл қатты отынды өндіру көлемін арттыру жоспарланған. Мәселен, «Шұбаркөл көмір» АҚ көмір бассейндерінде коммуналдық-тұрмыстық қажеттіліктер үшін 4,8 миллион тонна көмір өндіріледі. Былтыр бұл көрсеткіш 3,9 млн тонна болатын.