Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

Әкім нан бағасын бақылай алмағандарға сөгіс жариялады

2019 жылғы 15 сәуір 18:24 509
Бөлісіңіз:
Әкім нан бағасын бақылай алмағандарға сөгіс жариялады

ӨСКЕМЕН. ҚазАқпарат - Өскемен қаласының әкімі Жақсылық Омар орынбасары мен бөлім басшыларына сөгіс жариялады. Сөгіске себеп болған нан бағасының қымбаттауы, деп хабарлайды ҚазАқпарат тілшісі.

Нан бағасының күрт өсуіне әкелген жағдайға уақытында шаралар қолданбағаны үшін кәсіпкерлік бөлімінің, ауыл шаруашылығы бөлімінің басшылары және осы бөлімдерге жетекшілік ететін қала әкімінің орынбасары сөгіс алды. Сәуір айының басынан бастап қалада бірінші сұрыпты нанның бағасы өскен болатын.

«Бағаның өсуі - әкімдіктің жауапты қызметкерлерінің сапасыз жұмыстарының салдары. Мұндай өсімді алдын ала болжап, кәсіпкерлермен өзара әрекет жасауға болатын еді» - деді Жақсылық Омар аппараттық мәжілісте.

Бағаның өсу себептерін анықтап, реттеу үшін арнайы жұмыс тобы құрылды. Оның құрамында қалалық мәслихат депутаттары мен қоғамдық ұйымдардың өкілдері бар.

Топ мүшелері үш наубайханамен әлеуметтік сауда нүктелерінде нанды 65 теңгеден сату  туралы келісімге қол жеткізілгенін мәлім етті.

 

 

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT