+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«Ақиқат» журналының 100 жылдығына арналған көрме ашылды

2021 жылғы 23 қыркүйек 17:53
Бөлісіңіз:
«Ақиқат» журналының 100 жылдығына арналған көрме ашылды

АЛМАТЫ. ҚазАқпарат - Алматы қаласында ҚР Орталық мемлекеттік музейінде «Ақиқат» ұлттық қоғамдық-саяси журналының 100 жылдығына арналған «Кемел ойдың керуені» атты көрме ашылды, деп хабарлайды ҚазАқпарат.

Ұқсас жаңалықтар

«Ақиқат» ұлттық қоғамдық-саяси журналы алғаш 1921 жылдың 15 қыркүйегінде Орынборда «Қызыл Қазақстан» деген атпен жарық көрген. Сол кезеңнің өткір мәселелерін көтерген басылымда Нығмет Нұрмақов, Смағұл Сәдуақасов, Ораз Жандосов, Жанайдар Сәдуақасов сияқты саяси тұлғалар қызмет еткен.

М.Әуезовтің «Қорғансыздың күні», Б.Майлиннің «Шұғаның белгісі», Т.Рысқұловтың тарихи мақалалары алғаш осы журналда шықты.

Басылым атауы бірнеше рет өзгеріп, «Қазақстан большевигі», «Қазақстан коммунисі» деп аталды.

1991 жылдың қыркүйегінен бастап журнал «Ақиқат» атауымен шығып келеді. «Журналдың ребрендингі 1991 жылы Қазақстан Тәуелсіздігін алған кезеңмен тұспа-тұс келуі жақсылықтың нышаны білеміз», — деп атап өтті басылым қызметкерлері.

«Ақиқат» журналы 2002 жылы Қазақстан Журналистер Академиясының «Алтын жұлдыз», 2008 жылы Журналистер одағының сыйлықтарына ие болды. 2021 жылы ҚР Президенті Қасым-Жомарт Тоқаевтың алғыс хатымен марапатталды.

Көрмеге журналдың алғашқы сандары, архивтегі құнды деректер, тарихи жарияланымдардың көшірмелері қойылады.

Көрме 2021 жылдың 22 қыркүйегінен 6 қазанға дейін жұмыс істейді.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT