Әкесі балаларын анасына көрсетуден бас тартса не істеу керек – заңгер кеңесі

НҰР-СҰЛТАН. ҚазАқпарат - Сот шешімі бойынша балалар анасында қалуы керек болса да, әкесі балаларын бермей қойған жағдайда қандай шара қолдану керек? ҚазАқпарат осы мәселеге қатысты заңгердің жауабын ұсынады.

Ұқсас жаңалықтар

ҚР әкімшілік рәсімдік-процестік кодексі: Заңнамаға қандай өзгерістер енгізілді

Елордада санитария талаптары 5 шілдеден бері 570 рет бұзылған Нұр-Сұлтанда екі күнде карантин тәртібі 36 рет бұзылған Елордада карантин талаптарын елемей отырған тұрғындар әлі де бар - полиция

Жамбыл облысынан хабарласқан оқырман жұбайымен ажырасқанын, сот мектеп жасындағы ұлы мен қызы анасында болуы керек деген шешім қабылдаса да, бұрынғы күйеуі екі баласын көрсетпей отырғанын айтты.

«Сот екі рет балалар менімен қалу керектігі туралы шешім шығарды, бірақ бұрынғы жұбайым 8 ай бойы балаларымды маған көрсетуден бас тартып келеді. Үйіне сот орындаушыларымен бірге барған кезім де болды, бірақ ешқандай нәтиже жоқ. Мұндай жағдайда не істеуге болады?», - дейді оқырман.

Оқырман сұрағына «AR Legal Expert» заң компаниясының заңгері Ақниет Мұқанов жауап берді.

«Мұндай жағдайда сот орындаушыларымен қатар инспектор шақыруға болады. Сот орындаушы өзінің міндетін дұрыс орындамаған болуы мүмкін, сондықтан бұл жерде жеке сот орындаушысын ауыстыру туралы сұрақ туындайды. Бұл жерде балалардың әкесі сот шешімін бір емес, екі рет орындамай тұр. Сондықтан оның бұрынғы әйелі оны қылмыстық іске тартуға құқылы», - дейді заңгер.