Әке ретінде әр баланың болашағына алаңдаймын - Рустам Кайрыев

АЛМАТЫ. ҚазАқпарат- Бізді саяси, экономикалық, әлеуметтік салалардағы қуатты қайта жаңғырулар күтіп тұр. Мұндай пікіріді Қазақстанның ұйғыр жастары одағының төрағасы, Қазақстан халқы Ассамблеясының мүшесі Рустам Кайрыев айтты, деп хабарлайды ҚазАқпарат тілшісі.

Алматылық сарапшылар Өңірлік коммуникациялар қызметінің алаңында Қасым-Жомарт Тоқаевтың «Әділетті Мемлекет. Біртұтас Ұлт. Берекелі Қоғам» Жолдауын талқылады.

Қазақстан халқы Ассамблеясының мүшесі Рустам Кайрыев «Балаларға арналған Ұлттық қор» бағдарламасына тоқталды.

«Әке ретінде мен ең алдымен әр баланың болашағына алаңдаймын. «Балаларға арналған Ұлттық қор» бағдарламасы – болашақ ұрпақ үшін нағыз қамқорлық. Бұл - Ұлттық қордың халыққа жасап жатқан шынайы қызметі. Кәмелеттік жасқа жеткенде балалар мен олардың ата-аналары көптеген мәселелермен бетпе-бет келеді: оқу, баспана, бұл жинақтар нақты қолдау көрсетеді», - дейді спикер.

Сонымен қатар, ол есірткімен күрес және алдын алу өзекті мәселелердің бірі екенін атап өтті.

«Әсіресе, синтетикалық есірткі мәселесі өткір тұр. Күрес шын мәнінде ұлттық сипатта болуы керек, өйткені, әдетте, жастар дилерлердің ықпалына түседі. Біз, волонтерлар, жоғары сынып оқушылары арасында үгіт-насихат жұмыстарын жүргіземіз, синтетикалық есірткінің зияны туралы айтамыз. Қабырғалардағы бетбелгілер мен жарнамалармен де сәтті күресіп жатырмыз, оларды өзіміз бояймыз», - деді Рустам Қайрыев.

Алматы қаласы мәслихатының депутаты Сана Жандай өз сөзінде кеше Қазақстан Республикасының Президенті экономика, денсаулық сақтау, білім беру, саясат, еңбек нарығы және саяси модернизация туралы айтқанын тілге тиек етті.

«1 қыркүйектегі айтулы мәлімдемелерінің бірі әйелдердің зейнетке шығу жасын 2028 жылға дейін 61 жас деп белгілеу болды. Осылайша көптеген қазақ әйелдерінің кең әлеуметтік сұранысы жабылады. Менің ойымша, бұл қазақстандық әйелдер үшін жақсы жаңалықтардың бірі болды. Қандай да бір ымыраға келу ұсынылды», - деді Сана Жандай.