«Ақ жол» партиясынан сайлауға түсетін кандидат белгілі болды

НҰР-СҰЛТАН. ҚазАқпарат - Бүгін «Ақ жол» демократиялық партиясының кезектен тыс XV құрылтайы Дания Еспаеваны ресми түрде президенттікке үміткер ретінде бекітті, деп хабарлайды ҚазАқпарат тілшісі.
Құрылтай делегаттары құпия дауыс беру арқылы өз таңдауын жасады. Бұған дейін «Ақ жол» партиясының атынан 6 адам президент сайлауына қатысуға ниетті болған. 13 сәуірде «Ақ жол» партиясы Орталық кеңесінің пленумы президент сайлауына үміткерлерді анықтай алмады.
Осы уақытқа дейін төрт адам - Өскемен қалалық мәслихатының депутаты Қуат Рахымбердин, Тараз қалалық мәслихатының депутаты Асан Қошмамбетов, Атырау облыстық филиалының өкілі Серік Ерубаев және СКО филиалының төрағасы Евгений Кинцель өз кандидатурасын ұсынған болатын.
Бертін келе оларға ҚР Парламент Мәжілісінің депутаты Дания Еспаева мен Қазақстан Құрылысшылар одағының төрағасы Талғат Ерғалиев қосылды. Бүгін барлық үміткерлер өздерінің бейнебаянын көрсетіп, сайлауалды ұстанымдарын жариялады. Сондай-ақ, делегаттардың сұрақтарына жауап берді.
Ал дауыс беру кезінде 190 делегаттың 49,5 проценті депутат Дания Еспаеваның кандидатурасын қолдады. Бірақ кандидаттың дауысы 50 проценттен асуы керек.
Осыдан кейін президиум мүшелері кеңесіп, екінші турды өткізбеу жөнінде шешім қабылдады. Себебі Д.Еспаеваның басымдығы айқын болды. Делегаттар аталған шешімді қолдады. Сөйтіп, Дания Еспаева партияның атынан президент сайлауына кандидат ретінде бекітілді.
- Әділет министрлігі 2020 жылы қанша партияны тіркеуден бас тартты
- Nur Otan партиясының аймақтық филиалдарында бірқатар ауыс-түйіс болды
- Қырғызстан: Садыр Жапаровтың ұлықтау рәсімі 28 қаңтарда өтеді
- Президент бастамалары мемлекет пен қоғам арасындағы байланыс тетіктерін жетілдіруге негізделген - сарапшы
-
Президент бастамалары партиялар жұмысын жандандырады - Төлеутай Рақымбеков
-
Атырау облыстық мәслихатына жаңа хатшы сайланды
- Елбасы жолдауы
- Жолдау жүктеген міндеттер
- Қазақстан тарихы
- Әлемдік БАҚ Қазақстан туралы
- Жаңа индустрияландыру
- Болашаққа 100 қадам