+7 (701) 759 90 19
USD 428.68 EUR 507.21
RUB 5.57 CNY 64.2
Jańalyqtar

«Ақ жол» партиясы Асхат Аймағамбетовке «шабуылын» түсіндірді

2020 жылғы 22 қыркүйек 18:05
Бөлісіңіз:
«Ақ жол» партиясы Асхат Аймағамбетовке «шабуылын» түсіндірді

НҰР-СҰЛТАН. ҚазАқпарат – «Ақ жол» партиясының мүшелері «Асхат Аймағамбетовке неліктен шабуыл жасап жатырсыздар?» деген сыңайдағы қоғамда туындаған пікірге жауап берді, деп хабарлайды ҚазАқпарат тілшісі.

Ұқсас жаңалықтар

«Дания Еспаеваның депутаттық сауалы қоғамда көп талқыланды. Көбісі бұл «Асхат Аймағамбетовке жасалған шабуыл»деп айтып жатыр. Осыған байланысты партия мүшелері не айтар екен?» - деп сұрақ қойды бүгін Орталық коммуникациялар қызметінде өткен баспасөз мәслихатында тілшілердің бірі партия мүшелеріне.

Бұл сұраққа жауап берген Берік Дүйсембинов «бұл – Асхат Аймағамбетовке жеке азамат ретінде емес, министр ретінде қойылған сұрақ» екенін жеткізді.

«Асхат Аймағамбетовті бүгінгі таңдағы қазақтілді ұлтжанды азаматтардың бірі деп аса құрметпен қараймыз. Ол азамат министрдің орынбасары болған кезде талай сұрақтарымызға тікелей жауап берген. Қарым-қатынасымыз өте жақсы. Сондықтан әлеуметтік желіге тарап кеткен «шабуыл» деген әңгіме мүлде теріс екенін айтқым келеді», - деді ол.

Берік Дүйсембинов «Ақ жол» партиясы Білім және ғылым министрлігінен даулап отырған қаражатқа қатысты айта келе ол ақша түскен кезде Асхат Аймағамбетовтің министр болмағанын айтып өтті.

«Сондықтан бұл Асхат Аймағамбетовтің жеке басына емес, министрлікке қойылған сұрақ екені ескерілсе дейміз», - деді ол.

Еске сала кетсек, бұған дейін Парламент Мәжілісінің жалпы отырысында «Ақ жол» фракциясының депутаты Дания Еспаева білім беру саласындағы өзекті мәселелерге қатысты Үкімет басшысы Асқар Маминнің атына депутаттық сауал жолдаған болатын.

Д. Еспаева 29 шілдеде Білім және ғылым министрі Асхат Аймағамбетовтің атына тиісті хат жолданғанын, онда 67 млн доллар көлеміндегі халықаралық займға қатысты сауалдар қойылғанын атап өтті. Сондай-ақ 2016 жылдан бастап (27,2 млрд теңге) мектептер үшін жергілікті білім басқармаларына бөлінген қаржының игерілуіне байланысты сұрақтар бағытталған. Оның айтуынша, заңнама аясында мемлекеттік орган суалдарға бір ай ішінде жауап беруі тиіс. Алайда әлі күнге дейін ведомстводан жауап келмеген.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT