Валюта бағамдары:
    usd/kzt 477.54 eur/kzt 476.11

    rub/kzt 7.95 cny/kzt 68.05
Ауа райы:
Нұр-Сұлтан: +12+14℃
  Jańalyqtar  >

Air Astana басшысы рейстердің кешігуі неге жиілегенін түсіндірді

2022 жылғы 11 тамыз 18:19

АЛМАТЫ. ҚазАқпарат – БАҚ өкілдері үшін ұйымдастырылған брифингіде Air Astana компаниялар тобының президенті Питер Фостер рейстердің жиі кешігу себептерін түсіндірді, деп хабарлайды ҚазАқпарат тілшісі.

Компания басшысының айтуынша, рейстерді уақтылы орындау көрсеткіштері соңғы 6 аптада 85 пайыздан 74 пайызға дейін төмендеген.

«Біз қазір бірнеше қиын мәселеге тап болдық. Оның бірі – әуежайларда қызмет көрсетуге бағытталатын қажетті ресурстардың болмауы. Демек, бұл мәселе тек Еуропа елдерінде ғана емес, Қазақстанда да болып жатыр. Сонымен қатар, техникалық қиындықтар бар. Атап айтқанда, біздің «Airbus A320 neo» ұшақтарындағы «Pratt&Whitney» қозғалтқыштарында ақаулар болды. Қажетті бөлшектерді сатып алғанымызбен, оны жеткізу мүмкін болмай тұр. Бұл – авиация саласында жиі кездесетін мәселе. Рейстердің кешігуіне себеп болып отырған тағы бір фактор – құстардың ұшақтарға соғылуы. Биыл жыл басынан бері осындай 63 жағдай тіркелді», - деді Air Astana компаниялар тобының президенті.

Сөз соңында Питер Фостер кешіккен рейстер үшін жолаушылардан кешірім сұрады.

Еске салайық, бұған дейін Air Astana рейс кешіктіріп, жолаушылар құқығын бұзғаны үшін биыл 9 млн теңге айыппұл төлегенін хабарлап едік.

Азаматтық авиация комитеті кешіккен рейстер үшін салынатын айыппұл көлемін арттыруды ұсынып отыр.


Автор:

Әлихан Асқар

Новости по теме
Серіктестер жаңалықтары