Аида Балаева Моңғолия және Ресейдің Алтай өлкесінің бас мүфтилерімен кездесті
2021 жылғы 24 қараша 17:51

Аида Балаева Моңғолия және Ресейдің Алтай өлкесінің бас мүфтилерімен кездесті

НҰР-СҰЛТАН. ҚазАқпарат - Ақпарат және қоғамдық даму министрі Аида Балаеваның Моңғол Республикасының бас мүфтиі Батырбек Хадыс және Ресей Федерациясы Алтай аймағының бас мүфтиі Жанболат Охтаубаевпен кездесуі өтті, деп хабарлайды ҚазАқпарат аталған ведомствоның баспасөз қызметіне сілтеме жасап.

Моңғолия мен Ресейден дін қызметкерлері Қазақстан мұсылмандары діни басқармасы ұйымдастырған «Тәуелсіз Қазақстан және ислам құндылықтары» тақырыбындағы халықаралық ғылыми-тәжірибелік конференцияға қатысу үшін келді.

Кездесу барысында Министр конференцияға қатысушы елдердегі діни ахуал бір-біріне жақын және ұқсас екенін, мемлекеттер діни бірлестіктердің қызметіне айтарлықтай көңіл бөлетіндігін атап өтті. Өз кезегінде мүфтилер дінбасылар арасындағы ынтымақтастықты дамыту бойынша өз ұсыныстарымен бөлісті.

Кездесуге қатысушылар Қазақстан мұсылмандары діни басқармасы ұйымдастырған Халықаралық ғылыми-тәжірибелік конференция диалог пен одан әрі ынтымақтастықты дамытудағы ашықтық деңгейін көрсететінін айтты.


Серіктестер жаңалықтары

Jańalyqtar

Үрдіс

MURAǴAT