USD 434.24 EUR 492.69
RUB 5.67 CNY 68.46
Jańalyqtar

Аида Балаева: Қайырымдылық – азаматтық қоғамның кемелденуі

2021 жылғы 3 желтоқсан 15:51
Бөлісіңіз:
Аида Балаева: Қайырымдылық – азаматтық қоғамның кемелденуі

ПАВЛОДАР. ҚазАқпарат – Қайырымдылық дегеніміз – азаматтық қоғамның кемелденуі. Бұл туралы «Жомарт жүрек» сыйлығы лауреаттарын марапаттау шарасында ҚР Ақпарат және қоғамдық даму министрі Аида Балаева айтты, деп хабарлайды ҚазАқпарат тілшісі.

Ұқсас жаңалықтар
Алматыда еріктілер күн сайын күш құрылымдарына ыстық тамақ таратады Парламент депутаттары бір күндік жалақысын «Қазақстан халқына» қорына аударды Алматыдағы зардап шеккендерге Павлодардан 70 литр қан жөнелтілді

«Бүгін сондай-ақ, елімізде жыл сайын өткізілетін «Жомарт жүрек» республикалық сыйлығының иегерлерін білетін боламыз. «Жомарт жүрек» бұл – қайырымдылық жасау бағытында ауқымды істерді атқарып жүрген ұйымдарды анықтап, оларды халыққа таныстыру мақсатында берілетін арнайы марапат. Бұл - сондай-ақ, өңірлерді дамытуға, қамқорлық құндылықтары мен қайырымдылық идеяларын кеңінен насихаттауға, мұқтаж жандарға көмек беруге дайын азаматтардың жақсы істерін дәріптеуге мүмкіндік беретін бірегей алаң. 2018 жылы жылдан бері бұл атаулы сыйлық – 125 адамға берілді», - деп атап өтті министр.

Оның айтуынша, биылғы «Жомарт жүрек» сыйлығының иегерлерін тәуелсіз сарапшылық комиссия еліміздің бүкіл өңірінен түскен 100-ден астам өтініштің ішінен іріктеп алған.

«Осылайша, онлайн дауыс беру және есеп комиссиясының шешімінің қорытындысында 5 аталым бойынша 51 жеңімпаз анықталды. Бірақ, барлық уақытта да ең басты жеңімпаз біздің қайырымды жүрегіміз бен ыстық ықыласымыз болып қала береді. Өйткені, қайырымдылық – азаматтық қоғамның кемелденуі»,- деді Аида Балаева.

Министр елорда мен ірі қалаларда ғана емес, еліміздің шалғай елді мекендерінде де қайырымдылықпен айналысуды өмірінің мәніне айналдырған адамдардың көп екенін баса айтты.

«Айналамызды шуаққа бөлеп, бір-бірімізге қуаныш сыйлар мейірімділігіміз сарқылмасын, жақсы істеріміз таусылмасын! Алдымызда мол жетістіктер күтіп тұрғанына кәміл сенімдімін. Баршаңызға жақсылық, жетістік, табыс тілеймін!», - деп түйіндеді сөзін Аида Балаева.


Біздің каналымызға жазылыңыз:

Бөлісіңіз:

Автор:

Марлан Жиембай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT