+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Аида Балаева Алматыда ҮЕҰ өкілдерімен кездесті

2021 жылғы 17 мамыр 21:57
Бөлісіңіз:
Аида Балаева Алматыда ҮЕҰ өкілдерімен кездесті

НҰР-СҰЛТАН. ҚазАқпарат - Бүгін Ақпарат және қоғамдық даму министрі Аида Балаева үкіметтік емес ұйым (ҮЕҰ) өкілдерімен қайырымдылық және волонтерлік, гранттар туралы заң жобасының мәселелерін талқылады, деп хабарлайды ҚазАқпарат министрліктің баспасөз қызметіне сілтеме жасап.

Ұқсас жаңалықтар
Доллар арзандады Алматы ХҚО-лары азаматтарды Ashyq қосымшасы арқылы қабылдайды Вакцинаның бірінші дозасын алған адам аурып қалса, екінішісін алты айдан кейін салдырады - эпидемиолог

Кездесуге Сорос-Қазақстан Қоры басқармасының төрағасы А. Айдарқұлова және Сорос-Қазақстан қоры бағдарламаларының директоры Б. Аязбаева, сондай-ақ Адам құқықтары және заңдылықты сақтау жөніндегі Қазақстан халықаралық бюросының директоры Е. Жовтис, коммерциялық емес құқық сұрақтары бойынша сарапшы Г. Кужекеева, Caspian University қоғамдық құқық ҒЗИ директоры Р.Подопригора қатысты.


Министр қайырымдылық, волонтерлік салаларындағы мемлекеттік шаралар туралы, сондай-ақ ҮЕҰ-ны мемлекеттік қолдау тетіктерін жетілдіру жөнінде айтып берді.
А.Балаева қайырымдылық пен волонтерлікті дамыту мен қолдау – азаматтық қоғамды қалыптастыру мен дамытудың негізгі факторларының бірі екенін атап өтті.

«Мемлекет басшысының волонтер жылын аяқтау аясында берген тапсырмаларын, құқық қолдану тәжірибесін талдау, халықаралық тәжірибе, сондай-ақ, ҮЕҰ, волонтерлік және қайырымдылық ұйымдарының, Жұмыс тобы мүшелерінің ұсыныстарын ескере отырып, Министрлік азаматтық қоғам өкілдерімен бірлесіп, «Кейбір заңнамалық актілерге волонтерлік қызмет, қайырымдылық, мемлекеттік әлеуметтік тапсырыс және үкіметтік емес ұйымдарға арналған гранттар мәселелері бойынша өзгерістер мен толықтырулар енгізу туралы» Заң жобасын әзірледі», — деді А.Балаева.


Ол кездесудің қатысушыларына заң жобасы 2021 жылға арналған тиісті жұмыс жоспарына енгізілгенін, аталған жоспарға сәйкес Үкіметке шілде айында, ал Мәжіліске ағымдағы жылдың қыркүйегінде енгізу жоспарланғанын хабарлады.
Қазіргі уақытта сыбайлас жемқорлыққа қарсы және ғылыми-құқықтық сараптама ұсынымдары алынды.

Кездесудің қатысушылары мемлекет пен үкіметтік емес сектор арасындағы өзара іс-қимылды одан әрі дамытудың өзектілігін растады, сондай-ақ ұсынылып отырған заң жобасына қатысты нормалар бойынша өз ұсыныстарын айтты.


Бүгінгі пікір алмасуда алынған ұсынымдар мен ұсыныстарды ескере отырып, заң жобасын пысықтау, жұмыс тобының отырысына енгізу және мемлекеттік органдармен келісу жоспарланды.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT