09:57, 09 Ақпан 2021 | GMT +6
Ахмет Байтұрсынұлының рөліне онлайн кастинг жарияланады
НҰР-СҰЛТАН. ҚазАқпарат – Ахмет Байтұрсынұлының рөліне онлайн кастинг жарияланады, деп хабарлады «Qazaqstan» Ұлттық телеарнасының баспасөз хатшысы Айдын Дүйсенбайқызы Facebook-тегі парақшасында.
«Qazaqstan Ұлттық Телеарнасы Ахмет Байтұрсынұлы туралы түсірілетін тарихи телехикая актерлеріне кастинг жариялайды. Ахмет Байтұрсынұлының 25-35 және 45-65 жас шамасындағы кезін сомдауға басты рөл актерлеріне онлайн іріктеу жүргізіледі. Үміткерлер өзі туралы ақпаратты (фото, видео) 2021 жылғы 1 сәуірге дейін [email protected] электронды поштасына жолдауы тиіс « делінген хабарламада .
Мәліметке сай, мемлекет қайраткері, ағартушы А.Байтұрсынұлының өмірі мен ұлтқа сіңірген еңбегін баяндайтын тарихи телехикая биыл эфирге шығады деп жоспарланған.
Онлайн кастингке қатысушылар үшін қосымша байланыс нөмірі: +7 706 408 5868.