+7 (701) 759 90 19
USD 435.54 EUR 473.08
RUB 5.76 CNY 61.64
Jańalyqtar

Аграрлық ғылым нәтижелерін коммерцияландыру қалай жүргізілуде

2020 жылғы 18 ақпан 11:28
Бөлісіңіз:
Аграрлық ғылым нәтижелерін коммерцияландыру қалай жүргізілуде

НҰР-СҰЛТАН. ҚазАқпарат – Ұлттық аграрлық ғылыми білім беру орталығының басқарма төрағасы Төлеутай Рақымбеков аграрлық ғылым нәтижелерінің қаншалықты пайдаға жарап жатқанын айтып берді, деп хабарлайды ҚазАқпарат тілшісі.

«Қазіргі таңда елімізде ғылыми зерттеу нәтижелерін коммерцияландыру бойынша жұмыс басталды. Ғылым өз кезегінде өз жұмысының нәтижелерін Агротехнологиялар трансферті және коммерцияландыру орталығына ұсынады. Орталық фермерлермен лицензиялық келісімге келіп, олардан интеллектуалдық меншікті пайдаланғаны үшін роялти (лицензиялық сыйақы) алып отырады. Осыдан кейін роялтидің 30 пайызы ғалымдарға беріледі. Ал тағы 30 пайызы ҒЗИ шотына аударылса, қалған 40 пайызы жаңа зерттеулер қорына беріледі», - деді Төлеутай Рақымбеков Парламент Мәжілісіндегі аграрлық мәселелер комитетінің аграрлық ғылымды, білім және өндірісті интеграциялау мәселелері бойынша отырысында.

Осы механизм бойынша елімізде жалпы сомасы 108 миллион теңгеге 32 келісімге қол қойылған. Оның 32 миллион теңгесі сұрыптардың авторларына берілген.

«Қазақстандағы роялтидің әлеуетті қорын жылына 10 млрд теңгеге дейін жеткізуге болады. Мұндай жағдайда ол соманың 3 млрд теңгесін ғалымдарға беруге болар еді. Биыл роялтидің көлемін 700 млн теңгеге жеткізу жоспарда бар», - деді ол.

Төлеутай Рақымбеков роялти жүйесі ғалымдардың табысын арттырып қана қоймай, жұмыс сапасына маңыз беруге жігерлендіретінін айтады.

Айта кетсек, бұған дейін Төлеутай Рақымбеков отандық аграрлық ғылымның басты проблемаларын атаған болатын. Оның айтуынша, біздегі аграрлық ғылымның басты мәселесі – білім беру, трансферт пен коммерциялық технологияларды ұсыну бойынша ұйымдастыру жұмысының әлсіздігі болып отыр.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Айдар Оспаналиев
Айдар Оспаналиев
954-059

MURAǴAT