Агенттік департаменті мұғалімдерді баспасөзге мәжбүрлеп жаздырумен күреспек
Аталған мекеме облыстық қоғамдық кеңес мүшесімен бірлесіп Талдықорғанның мұғалімдері арасында жасырын сауалнама жүргізуде.
Шара ағымдағы жылдың 24-30 қаңтар аралығында өткізіледі. Мақсат - білім беру жүйесінде сыбайлас жемқорлықтың алдын алу және мәжбүрлеп мерзімді басылымдарға жазылу фактілерін анықтау. Сауалнамамен қатар, білім беру мекемелерінде сыбайлас жемқорлықтың алдын алуға бағытталған бірқатар іс-шараларды ұйымдастыру жоспарлануда.
«Осылайша, Қазақстан Республикасы Президентінің жолдауында сыбайлас жемқорлықтың алдын алуға бағытталған стратегиялық міндеттерді іске асыру бойынша жан-жақты жұмыстар атқарылуда», - деді облыстық ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Алматы облысы бойынша департаментінің баспасөз хатшысы Сымбат Исрапулова.