+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Афинада Абай шығармалары оқылды

2019 жылғы 26 тамыз 15:35
Бөлісіңіз:
Афинада Абай шығармалары оқылды

АФИНА. ҚазАқпарат - Афинада Кітапханалық қауымдастықтар мен мекемелері халықаралық федерациясының 85-ші Конференциясы шеңберінде ҚР Ұлттық кітапханасы мен ҚР Грекиядағы Елшілігінің ұйымдастыруымен «Abai - Uly Dalanyń aqyny» атты әдеби кеш өтті, деп хабарлайды ҚазАқпарат елшілікке сілтеме жасап.

Ұқсас жаңалықтар
Павлодарда ұлы Абай мен ақын Естайға ескерткіш орнатылады Кембридж университетінің «Fitzwilliam» мұражайында «Ұлы дала алтыны» көрмесі өткізіледі Семей қаласының әуежайына Абай есімі беріледі

Іс-шараға Грекияның беделді академиялық, іскерлік өкілдері, және де грекиялық қоғам және мәдени қайраткерлерінен құрылған Қазақстанның көптеген достары қатысты. Сонымен қатар, қонақтар қатарында дипломатиялық миссиялар мен халықаралық ұйымдар басшылары, журналистер, бұрынғы отандастарымыз бен қазақ диаспорасының өкілдері ат салысты.

Әдеби кеште сөз бастаған Қазақстанның Грекиядағы Елшісі Алексей Волков ҚР Президенті Қасым-Жомарт Тоқаевтың 30 мамырда халқымыздың ұлы ойшылы мен ағартушысы Абай Құнанбайұлының 175-жылдығын 2020 жылда атап өту туралы тиісті Жарлыққа қол қойғанын айтты. Ол Хәкім Абайдың шығармашылығына грекиялық ойшылардың рухтандыратын зор ықпалы тигендігіне орай, іс-шара грекиялық ұлы философтардың отанында өтуі аса символикалық мәнге ие екендігін сөзіне тиек етті. Осы орайда, Елші Абайдың 27-ші қара сөзі – «Сократ хәкімнің сөзі» деп аталатындығын ерекше атап өтті.



Іс-шара барысында отандық елші Қазақстан мен Грекияның Ұлттық кітапханалары басшыларына ҚР Елшілігі пен «MM Publication» грекиялық компаниясының ортақ туындысы «Қазақстанның Ұлттық кітапханасындағы грек тіліндегі кітаптар каталогын» сыйға тартты. Бұл тақырыптық каталог Қазақстан мен Орталық Азиядағы ең үлкен кітапханаларының бірінде сақталған грек тіліндегі кітаптардың жүйелендірілген бірегей жинағы болып табылады. Отандық дипломат басылым ішіндегі көптеген еңбектер тұңғыш каталогқа енгізілуіне орай, ерекше ғылыми құндылыққа ие екендігіне тоқталды.

Өз кезегінде, ҚР Ұлттық кітапханасының директоры Бақытжамал Оспанова ҚР Елшілігі мен грекиялық тарапты әдеби кешті өткізуге қолғабыс көрсеткендері үшін алғыс білдіріп, қатарында Абай туралы 1909 жылы тұңғыш жарық көрген кітаптың көшірмесі мен ақынның шет ел тілдерінде басылып шығарылған заманауи басылымдардан құрылған коллекциялық жинақты табыстады.

Әдеби кештің аяғында Грекияны Қазақстанмен одан әрі таныстыру мақсатымен отандасымыз Игорь Тойкиннің орындауында Абай әндері шырқалып, ұлы ақынымыздың еңбектерінің кішігірім көрмесі ұйымдастырылды.



Біздің каналымызға жазылыңыз:

Басты сөздер: ҚР СІМ, #Аbai175,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT