Қолданушы баптаулары
Қолданушы баптаулары
+7 (701) 759 90 19 Лента
USD 378.90 EUR 422.74
RUB 5.87 CNY 54.80
Jańalyqtar

АЭФ өзінің ауқымын кеңейтіп келеді - Euronews өкілі

2019 жылғы 16 мамыр 17:55 289
Бөлісіңіз:
АЭФ өзінің ауқымын кеңейтіп келеді - Euronews өкілі

НҰР-СҰЛТАН. ҚазАқпарат - Euronews телеарнасының тілшісі Штефан Гробе Астана экономикалық форумына қатысты пікір білдірді, деп хабарлайды ҚазАқпарат.

Ұқсас жаңалықтар
Қаңтар-сәуірде Нұр-Сұлтан бюджетінің кірісі 78 млрд теңгеге жуықтады Қостанай облысында жаңа трактор цехы іске қосылды

Айта кетейік, АЭФ-2019 аясында Ш. Гробе ҚР Тұңғыш Президенті - Елбасы Нұрсұлтан Назарбаев пен ҚР Президенті Қасым-Жомарт Тоқаевтың қатысуымен өткен пленарлық отырыста модератор болды.

«Біраздан жылдан бері Астана экономикалық форумына келіп жүрмін. Соңғы рет 2013 жылы модератор ретінде келген едім. Қазақстан елордасы әр жыл сайын өзгеріп тұрады, жаңа ғимараттар пайда болуда. Атап айтқанда, бұл форум білікті мамандардың басын қосып, пікір алмасуға жақсы мүмкіндік жасап отыр», - деді ол.

Оның пайымынша, АЭФ әлем елдері мен Қазақстан үшін маңызды.

«Мәселен, мемлекетте теңізге шығуға мүмкіндік болмаса, жаһандық нарықта тиісті қиындықтар туындайды. Қазіргі кезде Қазақстанда саяси тұрақтылықтың деңгейі өскенін білеміз. Қытай мен Ресейдің көршісі ретінде сіздер бір деңгейде дипломатиялық картада тұрақтауға қауқарлы болдыңыздар. АЭФ-ке келген кезде, осы мамандар өз елдерінде форумның қалай өткенін, онда талқыланған өзекті мәселелер туралы пікір білдіреді. Бұл ретте экономикалық форумды өткізген елге түрлі салалар бойынша оңтайлы ықпал етеді», - деді Euronews телеарнасының өкілі.

Форумды ұйымдастыру мәселесіне тоқталған ол, АЭФ-2019 жоғары деңгейде өтіп жатқанын, барлық шаралар егжей-тегжейлі пысықталғанын жеткізді.

«Қатысушылар алдыңғы қатарлы елдерден келді. Форумның пленарлық отырысында өте қызықты пікір алмасу болды. Қазақстан Тәуелсіз ел атанған кезде, көрші мемлекеттермен бір деңгейде болған еді. Қазіргі кезде барлығы өзгерді. Жалпы, Астана экономикалық форумы ел үшін маңызды оқиға деп білемін. 10 жылдан астам уақыт бойы өткізілген бұл форум өзінің ауқымы мен деңгейін кеңейтіп келеді. Түрлі сипаттағы проблемалар талқылауға негіз болды. Осы пікір алмасулар оңтайлы нәтиже беретіні анық», - деді ол.

 

 

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
MURAǴAT