Әділеттілікті қамтамасыз ету үшін судьяларды объективті іріктеу маңызды - Президент

НҰР-СҰЛТАН. ҚазАқпарат - Қасым-Жомарт Тоқаев Жоғары Сот Кеңесінің төрағасы Талғат Донақовпен Кеңес қызметінде заманауи HR-менеджмент әдістерін қолдану жайын талқылады, деп хабарлайды ҚазАқпарат Президенттің Твиттер парақшасына слітеме жасап.

«Жоғары Сот Кеңесінің төрағасы Талғат Донақовты қабылдадым. Кеңес қызметіндегі заманауи HR-менеджмент әдістерін қолдану бойынша жұмысты мақұлдадым. Азаматтардың өмірлік мүдделеріне қатысты шешімдерді қабылдауда әділеттілікті қамтамасыз ету үшін судьяларды объективті іріктеудің маңыздылығын атап өттім», - деп жазды Қасым-Жомарт Тоқаев.

Еске сала кетейік, бұған дейін Қасым-Жомарт Тоқаевтың Жоғары Сот Кеңесінің төрағасы Талғат Донақовты қабылдағанын жазған болатынбыз.