Әділет министрлігінің ресми өкілі тағайындалды
Министр Марат Бекетаев журналистерді баспасөз қызметінің алдағы уақыттағы жоспарымен таныстырып, министрліктің ресми өкілін тағайындады. Бұл қызметке тілші Олжас Рамазанов бекітілді.
Ведомство басшысының айтуынша, Мемлекет басшысының тапсырмасына сәйкес әзірленіп жатқан заң жобаларын ауқымды түсіндіру жұмыстарын жүргізу қажет. Сондықтан баспасөз орталығы ведомствоаралық комиссияда қаралатын заң жобалары туралы ақпаратты қоғамға жеткізетін болады.
Айта кету керек, жаңа залда журналистер комиссияның жұмысын тікелей эфирде көре алады.
«Ал, әрбір баяндамадан кейін сөз сөйлеген адам осында келіп, бұқаралық ақпарат құралдары өкілдерініңң сұрақтарына жауап беретін болады. Бүгіннен бастап мекемеаралық комиссияның жұмысы осындай форматта ұйымдастырылады, - деп атап көрсетті министр Марат Бекетаев.