+7 (701) 759 90 19
USD 417.02 EUR 505.51
RUB 5.59 CNY 64.52
Jańalyqtar

Әділет министрлігі 2020 жылы қанша партияны тіркеуден бас тартты

2021 жылғы 22 қаңтар 13:41
Бөлісіңіз:
Әділет министрлігі 2020 жылы қанша партияны тіркеуден бас тартты

НҰР-СҰЛТАН. ҚазАқпарат – 2020 жылы Әділет министрлігіне тіркелу үшін 9 партия өтінім берді. Бұл туралы ҚР Әділет министрі Марат Бекетаев айтты, деп хабарлайды ҚазАқпарат тілшісі.

«2020 жылы 9 партия тіркеу үшін өтінім берді. Өздеріңіз де білетіндей, бұл процесс 2 кезеңнен тұрады. Алдымен партия құрғысы келетін адамдар тобы өтінім береді. Егер бұл өтінім талаптардың барлығына сай келсе 2 кезеңге жіберіледі және съезд өткізіп, қол жинайды. Өткен жылы 9 өтінім түсіп, олардың алтауының құжаттары заңнама талаптарына сай келмегендіктен кері қайтарылды. Олар барлық кемшіліктерін түзетіп, өтінімдерін қайтадан бере алады», - деді министр Zoom платформасында өткен баспасөз мәслихаты барысында.

Оның атап өтуінше, олардың барлығына кемшіліктерді түзету туралы хабарлама жіберілді.

«Талаптарға сай келген үш топқа да хабарлама бердік. Олар енді съезд өткізіп, келесі құжаттар топтамасын ұсынуы қажет. Адамдардың бір тобы съезд өткізіп, құжаттар топтасын берді. Қазір аталған құжаттарды тексеру жүріп жатыр», - деді Марат Бекетаев.

Оның айтуынша, тіркеуге құжат ұсынған партияларды өзге де мемлекеттік органдар тарапынан тексеру жүргізіледі. Ал аталған партияларды тіркеуге ұсынған тұлғаларды аты-жөндері құпия.

«Жария етуге құқымыз жоқ. Мұндай ақпаратты партиялардың өздері ғана бере алады», - деді министр.


Біздің каналымызға жазылыңыз:

Бөлісіңіз:

Автор:

Марлан Жиембай

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT