Әділбек Мусин жүзуден әлем чемпионатының жартылай финалына шықты

ФУКУОКА. ҚазАқпарат – Жапонияның Фукуока қаласында су спортынан әлем чемпионаты өтіп жатыр, деп хабарлайды ҚазАқпарат Оlympic.kz-ке сілтеме жасап.

Алдын ала қорытынды бойынша, жүзуден қазақстандық Әділбек Мусин баттерфляй әдісімен 100 метр қашықтықты 51,68 секунд нәтижемен еңсерді. Осылайша 14-орынға ие болып, әлем чемпионатының жартылай финалына жолдама алды.

Әйелдер арасындағы отандық жүзу спортының өкілі Диана Тасжанова 1983 жылдан бері Марина Уфимцеваға тиесілі болып келген 800 метрге еркін стильде жүзк рекордын жаңартты. Диана 8:51,46 секундта алдын ала жүзу кезінде қашықтықты еңсеріп, 30-шы нәтиже көрсетті.