USD 434.24 EUR 492.69
RUB 5.67 CNY 68.46
Jańalyqtar

Адам саудасы үшін іздеуде жүрген Өзбекстан азаматы астанадан ұсталды

2021 жылғы 29 қараша 18:01
Бөлісіңіз:
Адам саудасы үшін іздеуде жүрген Өзбекстан азаматы астанадан ұсталды

НҰР-СҰЛТАН. ҚазАқпарат – Нұр-Сұлтан қаласында адам саудасына қатысты айыпты болған Өзбекстан азаматы ұсталды, деп хабарлайды ҚазАқпарат қалалық полиция департаментінің баспасөз қызметіне сілтеме жасап.

Ұқсас жаңалықтар

«Ұсталған ер адам 2014 жылы Өзбекстанның 6 азаматын жалақысы жоғары жұмысқа тұрғызуға уәде беріп Қазақстанға алып келеді. Айыпты Алматы қаласына жеткенде отандастарының төлқұжатын тартып алып, оларды басқа адамдарға тапсырады. Осылайша аталған 6 азамат 7 ай бойы қиын және ауыр жағдайда жұмыс істеуге мәжбүр болған. Сондай-ақ, ұсталған азаматтың 2015 жылы адам саудасы үшін Өзбекстан Республикасында 5 жылға бас бостандығынан айырылғаны белгілі болды», - делінген хабарламада.

Елордалық полиция департаментінің мәлімітіне сәйкес, өз елінде бас бостандығынан айрылған азамат 2019 жылы соттың шешімімен жазаның қалған бөлігін шартты түрде өтеу үшін босатылған.

«Мерзімінен бұрын босатылып, жазасын шартты түрде өтеп жүрген ер адам Қазақстан Республикасының аумағына қашып кетеді. Тиісінше оған Өзбекстанда іздеу жарияланады.Қазіргі уақытта сот шешімімен ер адам қамауға алынды, оны Өзбекстан Республикасына экстрадициялау мәселесі шешілуде», - деп мәлімдеді департаменттен.

Айта кетейік, аталған күдікті елордада өтіп жатқан «Stop трафик» атты жедел-алдын алу іс-шарасы барысында ұсталып отыр.

Адам саудасына қатысты қылмыстың алдын алу, анықтау және ашу мақсатын көздеген профилактикалық шара Нұр-Сұлтан қаласында 22 қараша мен 1 желтоқсан аралығында өтеді.


Біздің каналымызға жазылыңыз:

Бөлісіңіз:

Автор:

Әли Ибраев

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Үмбет Шолпан
Үмбет Шолпан
954-059
REDAKTOR
Жанат Қапалбаева
Жанат Қапалбаева
954-059

MURAǴAT