Әбу-Дабиде Қазақстан-БАӘ арасындағы азық-түлікті стандарттау перспективалары зерделенеді
«Бірлескен үкіметаралық комиссия кезекті пленарлық отырысының жұмысы барысында тараптар Қазақстан мен Біріккен Араб Әмірліктері арасындағы екіжақты қарым-қатынастардың қарқынды дамуына ықпал ететін бірқатар мәселелерді талқылап, шешуге ниетті. Атап айтқанда, тараптар саяси, сауда-экономикалық, инвестициялық және энергетикалық салалардағы ынтымақтастық мәселелерін талқылайды. Күн тәртібінде сондай-ақ көлік және логистика, ғарыш, білім және мәдениет, ауыл шаруашылығы салаларындағы өзара іс-қимыл мәселелері», делінген хабарламада.
Әбу-Дабидегі кездесу барысында бұдан басқа азық-түлік қауіпсіздігі, техникалық реттеу және стандарттау саласындағы өзара тиімді ынтымақтастықтың перспективалары егжей-тегжейлі зерделенеді деп күтілуде.
Қазақстан тарапынан комиссияның тең төрағасы ҚР Сыртқы істер министрі Бейбіт Атамқұлов, әмірлік тарапынан – Сыртқы істер және халықаралық ынтымақтастық министрі шейх Абдалла бен Заид Әл Нахаян.