Қолданушы баптаулары
Қолданушы баптаулары
+7 (701) 759 90 19 Лента
USD 378.14 EUR 429.42
RUB 5.68 CNY 55.56
Jańalyqtar

«Әбу-Даби Плаза» құрылысында жұмыс істейтін қазақстандықтар саны 3-4 есе артады

2019 жылғы 12 қаңтар 23:02 423
Бөлісіңіз:
«Әбу-Даби Плаза» құрылысында жұмыс істейтін қазақстандықтар саны 3-4 есе артады

АСТАНА. ҚазАқпарат - Бүгін елорда әкімі Бақыт Сұлтанов «Әбу-Даби Плаза» көпфункционалды кешенінің құрылыс жұмыстарымен танысты, деп хабарлайды ҚазАқпарат Астана әкімдігінің ресми сайтына сілтеме жасап.

Ұқсас жаңалықтар
Шымкентте мүмкіндігі шектеулі 50-ге жуық азамат кәсіптік білім алды «Цифрлық Қазақстан» аясында бос жұмыс орындары көбейген

20 желтоқсандағы жағдайға сәйкес нысанда атқарылған жұмыстардың жалпы көлемі 82% құрайды. Барлық блоктардың құрылысы жалғасып жатыр. «R» блогында кірпішпен қалау, әрлеу және инженерлік жүйелерді орнату жұмыстары жүргізілуде. Басқа блоктарда инженерлік жүйелер мен жабдықты орнату, әрлеу жұмыстары жалғасып жатыр. Ауа өткізгіш жүйелер, инженерлік жүйелер мен аспалы панельдер құрастырылып, дайындалатын өндірістік цехтың құрылысы аяқталған.  

Зәулім ғимаратты салып жатқан құрылыс компанияларының өкілдері блоктардың құрылысын аяқтау мерзімін атады. Осылайша, «H» және «P» блоктары наурызда, «Z», «O» және «Y» блоктары маусымда пайдалануға беріледі деп жоспарлануда. «R» блогының құрылысы 2019 жылдың маусымында аяқталмақ.

Инвестициялар және кәсіпкерлікті дамыту басқармасының мәліметінше, қазіргі таңда «Әбу-Даби Плаза» КФК жобасы бойынша 1400 жұмыскер еңбек етеді. Оның 56% - Қазақстан азаматтары. Айта кету керек, 2019 жылдың шілдесіне дейін мұндағы жұмыскерлердің саны 2350 адамға дейін артады. Бұл ретте жергілікті жұмыскерлердің саны 3,4 есеге немесе 1605 адамға артады деп күтілуде. Ал шетелдік жұмыс күші 3,6 есеге немесе 745 адамға ұлғайтылмақ. Шілдеде жұмыскерлердің санын 3300 адамға дейін арттыру көзделуде. Оның 60-65% - жергілікті кадрлар.

«Біз басқарушы компаниямен бірлесіп, қазірдің өзінде, яғни бір жыл бұрын ғимаратқа қызмет көрсететін мамандарды даярлау жұмыстарын бастауымыз керек. Біз мамандарды қазақстандықтардан алдын ала дайындай алуымыз қажет», - Астана әкімі Бақыт Сұлтанов.   

Кездесу барысында белгілі болғандай, бүгінгі таңда жұмыскерлерге жалақы төлеу бойынша проблемалы мәселе жоқ.  

«Жалақы бойынша қарызға қатысты ешқандай шағым жоқ. Төлемдерді уақытында алып отырғандықтан, мердігер бұған бара алмайды», - дейді Aldar Properties PJSC жобасын басқару жөніндегі аға вице-президент Әбдел Хаммит Гоул.

«Әбу-Дабу Плаза» кешені түрлі саладағы блоктардан тұрады. Мәселен, онда кеңселер, қонақ үй, мейрамханалар, сауда орталығы, тұрғын үй кешені орналасады. Кешеннің құрылысы 2011 жылдың наурызында басталған болатын. Құрылыс жұмыстары 2020 жылы аяқталады деп жоспарланған. «Әбу-Даби Плаза» Қазақстан мен Орталық Азиядағы ең биік ғимарат болмақ. Оның биіктігі 78 қабатты немесе шамамен 382 метрді құрайтын болады. «Әбу-Даби Плазаның» жалпы ауданы 510 мың шаршы метрден асуы тиіс. .               

  

 

 

Біздің каналымызға жазылыңыз:

Бөлісіңіз:
Загрузка...
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
MURAǴAT