12:02, 02 Маусым 2018 | GMT +6
Әбу-Даби мен Астана бағыты бойынша рейстер саны артады
АСТАНА. ҚазАқпарат - Биыл жазда Әбу-Даби мен Астана бағыты бойынша рейстер саны артады. Бұл туралы ҚР ИДМ Азаматтық авиация комитеті баспасөз қызметі мәлім етті, деп хабарлайды ҚазАқпарат.
«2018 жылғы 1 шілдеден 31 тамызға дейінгі аралықта Біріккен Араб Әмірліктерінің Etihad Airways әуе компаниясы «Әбу-Даби - Астана - Әбу-Даби» бағыты бойынша аптасына 2-ден 3 ретке дейін рейстер санын арттырады. Бұл осы маусымдағы жолаушылар тарыпанан сұраныстың жоғарылауына байланысты жасалып отыр», - деп атап өтілген хабарламада.
Рейстер сәрсенбі, сенбі және жексенбі күндері A-320 типті әуе кемесінде орындалатын болады.
Авиакомпанияның мәліметінше, Астанаға жасалатын рейстермен қатар, Бахрейн, Кочин, Белград, Минск және Баку қалаларына да әуе сапарлары саны артады.