+7 (701) 759 90 19
USD 376.43 EUR 407.11
RUB 5.76 CNY 53.55
Jańalyqtar

Абайдың 175 жылдық мерейтойына арналған брендбук әзірленді

2020 жылғы 25 қаңтар 03:30
Бөлісіңіз:
Абайдың 175 жылдық мерейтойына арналған брендбук әзірленді

НҰР-СҰЛТАН. ҚазАқпарат – Ұлы ақынның мерейтойына орай арнайы брендбук дайындалды, деп хабарлайды ҚазАқпарат «Рухани жаңғыру» қазақстандық қоғамдық даму институтына сілтеме жасап.

Ұқсас жаңалықтар
Ақ Жайықта Абай жылы салтанатпен ашылды Алматыда Абайдың 175 жылдық мерейтойына арналған әдеби музыкалық шара өтті Қарағандылық әскерилер #Аbai175 челленджін қолдады

«Логотипте танымал бейнені көрсету мақсатында қазақ ойшылы мен ақынының портреті егжей-тегжейлі пысықталды. Портреттің негізгі түсі – күлгін. Ол кейіпкердің көңіл-күйін, ойшылдығын һәм пайымдылығын көрсетеді. Логотипті қабылдау оңай және пайдалануға ыңғайлы болуы үшін оның нысаны графареттік стильде қарапайым графика элементтерімен әзірленген. Гаммада бұдан бөлек көк, қызыл, жұпаргүл және құм (алтын) түстері де бар», - делінген хабарламада.

Институттың мәліметінше, логотип сипаттамасында Абайдың еңсесі көтеріңкі және оның ерік-жігері мен даналығын анық көруге болады.

«Алдымызда ұлы ойшылдың бейнесі тұрғанын оның жазық маңдайы, қалың қабағы паш ететіндей. Абайдың өзіне тән бейнесін топы мен камзол түріндегі киім элементтері толықтыра түскен. Фирмалық стильде Абай портреті ғана емес, іс-шараның маңызды құрамдас бөлігі ретінде 175 саны да қолданылған. Негізгі элементтерге қосымша құрақ көрпе стиліндегі графика және танымал ұлттық өрнек қосылған. Бұл стиль ұлттық бейнені айқындай түседі. Әр түрлі дизайнға оңай бейімделеді», - деп жазылған ақпаратта.

Хабарламада айтылғандай, мерекелік іс-шараларды тиянақты ресімдеу үшін брендбук құрамында: логотип тұжырымдамасы, фирмалық стиль бойынша нұсқаулық, тарату материалдарының дизайны, көлікті безендіру дизайны, іскерлік құжаттарды рәсімдеу дизайны мен сыртқы жарнаманы рәсімдеу материалдары қамтылған.

Айта кетейік, брендбук ҚР Ақпарат және қоғамдық даму министрлігінің тапсырысы бойынша әзірленді.


Біздің каналымызға жазылыңыз:

Басты сөздер: #Аbai175,
Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT