+7 (701) 759 90 19
USD 432.23 EUR 506.79
RUB 5.45 CNY 64.44
Jańalyqtar

Абай шығармаларының академиялық толық жинағы жарыққа шығады

2020 жылғы 22 қыркүйек 14:24
Бөлісіңіз:
Абай шығармаларының академиялық толық жинағы жарыққа шығады

НҰР-СҰЛТАН. ҚазАқпарат – Таяу арада Абай шығармаларының академиялық толық жинағы жарыққа шығады. Бұл туралы М.Әуезов атындағы Әдебиет және өнер институтының директоры Кенжехан Матыжанов мәлім етті, деп хабарлайды ҚазАқпарат тілшісі.

Ұқсас жаңалықтар
Өлкетанушы Абайға қатысы бар Семейдегі үйді көрсетті Қызылордада «Абай» операсы тұңғыш рет сахналанды Алатау театрының әншілері Абайдың 175 жылдығына әдебиет күнін арнады

«Биыл институт өзінің 3 жылдық жобаларын аяқтайды. 12 монографияның ішінде қазақ әдебиетінің іргелі мәселелеріне, қазақ фольклорына, қазіргі қазақ әдебиетінің даму өрісіне қатысты жаңа еңбектер жарық көреді. Сонымен қоса біздің оқу ордасы Өнер институты аталғандықтан қазақ өнерінің әртүрлі салалары бойынша іргелі зерттеулер жарық көреді. Қазақ музыкасы, театры, киноөнері және бейнелеу өнерінің мәселелері жөнінде жаңа еңбектер оқырманға жол тартады», - деді Кенжехан Матыжанов Білім және ғылым министрлігінің аппарат жиынында.

Институт басшысының айтуынша, 2019 жылы «Дала фольклоры» антологиясының бес томы шыққан. Одан бөлек, «Ұлы даланың көне сарындары» антологиясының бір томы, «Ежелгі дәуір әдебиеті» антологиясының бір томы заманға сай цифрлық-электронды форматта оң мың данамен кітапханаларға таратылған.

«Бұл - бұрын-соңды мұндай форматта жарық көрмеген жинақтар. Әсіресе мұның электронды және аудионұсқасы қазіргі оқырмандарды ерекше қызықтырып отыр. Сонымен қатар биыл Ұлы Абайдың 175 жылдық мерейтойына тарту ретінде ақын шығармаларының академиялық толық жинағы жарық көреді. Қазір баспада тұр. Бүгін-ертең қолымызға тиеді деп есептеп отырмыз. Бұл – ширек ғасырдан кейін қайтадан жарық көріп отырған ең толық жинағы саналады. Ол - академиялық ғылыми жинақ», - деді ол.

Еске сала кетсек, осы отырыста Білім және ғылым министрі Асхат Аймағамбетов М.Әуезов атындағы Әдебиет және өнер институтының барлық жәдігері мен құжатын цифрландыруды тапсырған болатын.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT