13:19, 05 Қазан 2022 | GMT +6
Абай облысының тұрғын үй-коммуналдық шаруашылық басқармасына басшы тағайындалды
СЕМЕЙ. ҚазАқпарат - Конкурстық процедуралардың нәтижесі бойынша Абай облысының энергетика және тұрғын үй-коммуналдық шаруашылық басқармасы басшысы қызметіне Болат Әбдіралиев тағайындалды. ҚазАқпарат бұл туралы өңір әкімдігінің баспасөз қызметіне сілтеме жасап хабарлайды.
Болат Таңсықбайұлы еңбек жолын 1996 жылы «Қазфосфат» ЖШС-да бастады. 2003-2006 жылдары – зауыттың аға диспетчері, цех бастығының орынбасары.
2006 жылдан 2008 жылға дейін «Жамбылгипс» АҚ-да жабдықтаушы, кейін зауыттың техникалық директоры болып жұмыс істеді.
2009-2011 жылдары — «ДО КНИСГ» ЖШС ОҚФ жетекші маманы («Қытай мұнай инженерлік-құрылыс тобы» еншілес ұйымы).
2011-2016 жылдары – «САПАР-Консалтинг» ЖШС директорының орынбасары. 2016 жылдан бастап квазимемлекеттік секторда басшылық қызметтер атқарды.