Абай облысының кейбір аудандарында сабақ қашықтан өткізіледі

ӨСКЕМЕН. ҚазАқпарат – Абай облысының кейбір аудандарында оқушылар сабақты қашықтан оқиды, деп хабарлайды ҚазАқпарат облыс әкімдігінің Telegram каналына сілтеме жасап.

«9 қаңтар күні ауа райының қолайсыздығына байланысты Семейде бірінші ауысымның 1-11 сынып оқушылары және колледж студенттері қашықтан оқыту форматына ауыстырылады. Курчатов қаласы, Бесқарағай, Аягөз аудандарында да сабақ қашықтықтан өтетін болады. Қалған аудандарда сабақ әдеттегідей офлайн режимде өтеді»,-делінген хабарламада.

Айта кетейік, «Қазгидромет» осыған дейін қаңтар айында күн суытатынын хабарлаған болатын.