Абай облысындағы өртке байланысты жедел желі ашылды

Абай облысындағы өртке байланысты жедел желі ашылды деп хабарлайды ҚазАқпарат.

«Абай облысындағы табиғи өртке байланысты жедел желі ашылып, ТЖМ және ТЖД психологтарының жұмысы ұйымдастырылды: 8 7172 53 32 84, 8 722 235 38 31», - деп жазылған Экология және табиғи ресурстар министрлігі хабарламасында.

Көмекке мұқтаж халық 112 және 101 телефондары арқылы хабарласа алады.

Еске салайық, «Семей» орманы резерватында өрт 8 маусым күні шыққан болатын.

Абай облысы әкімінің орынбасары Димитрий Гариковтың айтуынша, өрт 2 рет түскен найзағайдан тұтанған.