Абай облысында халықтың 92 пайызы орталықтандырылған сумен қамтылған
Абай облысы әкімдігінің мәліметіне сүйенсек, биыл тұрғындарды ауызсумен қамтамасыз ету мақсатында 13 жоба жүзеге асырылмақ.
«Өңірдегі өзекті мәселелердің бірі – халықты ауызсумен қамтамасыз ету. Бүгінгі таңда облыс бойынша азаматтардың орталықтандырылған су жүйесіне қолжетімділігі 92 пайызды құрайды. Биылғыдан бөлек 2023 жылдан тағы 26 жоба қолға алынады», - делінген ақпаратта.
Семей және Курчатов қалаларында, Алакөл жағалауындағы демалыс үйлерінде экологиялық қауіпсіздікті қамтамасыз ету мақсатында кәріз-тазарту стансаларын құру көзделіп отыр. Бұдан бөлек, аймақтағы электр қуатын арттыру үшін Шүлбі СЭС контр-реттегіш құрылысы басталмақ.
Еске салсақ, бұған дейін Абай облысында Мұхтар Әуезовтің мерейтойына орай 87 шақырымдық ультрамарафон өткенін хабарлаған едік.