10:15, 01 Тамыз 2022 | GMT +6
Абай облысында ақын Нұрлыбек Баймұратұлына ескерткіш орнатылды
СЕМЕЙ. ҚазАқпарат – Абай облысы Бесқарағай ауданында ақын Нұрлыбек Баймұратұлына ескерткіш қойылды, деп хабарлайды ҚазАқпарат тілшісі.
Абай облысы әкімдігінің мәліметіне сүйенсек, Бесқарағай ауданының орталығында ақын, Қазақ КСР-нің еңбек сіңірген өнер қайраткері Нұрлыбек Баймұратұлына арналған ескерткіштің салтанатты ашылуы өтті.
Белгілі ақын Нұрлыбек Баймұратұлы қазақ ауыз әдебиетінің үлгілерін жинап, насихаттаған. Ақынның «Ер Төлеген» және «Қанды жорық» дастандары жеке кітап болып басылды. Шығармаларының жинағы 1957 жылы жарық көрген.
Естеріңізге сала кетсек, осыған дейін Абай облысында халықаралық өнер және спорт фестивалі өтіп жатқанын хабарлаған едік.