+7 (701) 759 90 19
USD 377.86 EUR 418.74
RUB 6.10 CNY 54.50
Jańalyqtar

Абай әні Түркияның Каппадокия өңірінде шырқалды

2019 жылғы 13 желтоқсан 19:43
Бөлісіңіз:
Абай әні Түркияның Каппадокия өңірінде шырқалды

АНКАРА. ҚазАқпарат - Түркияда Қазақстан Республикасының Тәуелсіздігі мерекесін тойлау шаралары жалғасуда, деп хабарлайды ҚазАқпарат тілшісі.

Ұқсас жаңалықтар
Сан-Франциско биылғы 16 желтоқсанды Қазақстан-Америка достығы күні деп жариялады 28 жылда Қазақстанға қанша инвестиция тартылды Жамбыл облысында 28 жылда 870-тен астам әлеуметтік нысан салынды

Тәуелсіздік тойы 11 желтоқсанда Қазақстанның Түркиядағы Елшілігінің ресми қабылдауымен басталды. Ресми қабылдауға Нұр-Сұлтан қаласы әкімдігі Мемлекеттік академиялық филармониясының Қазақ оркестрі мен «Қорқыт ата» көне аспаптар саз тобы арнайы келді.

12 маусымда 50-ден астам қазақстандық өнерпаз Анкара тұрғындарына концерт қойды және бүгін Түркияның ең танымал туристік аймағы - Каппадокияда өнер көрсетті.

«Бұл айтулы шараға Түркиядағы Қазақстан Елшілігінің шақыруымен келдік. Қазақстанның Тәуелсіздік мерекесіне орай, Түркияның бірнеше қаласында өнер көрсету жоспарда бар. Әсіресе, ұлттық музыкамызды Каппадокия сынды турист көп келетін тарихи орындарында насихаттау да ұтымды шешім болды», - деді Мемлекеттік академиялық филармонияның Қазақ оркестрінің көркемдік жетекшісі және бас дирижері Айтқали Жайымов ҚазАқпарат тілшісіне берген сұхбатында.

Концерттік бағдарлама Түркештің «Көңілашарымен» басталды. Қорқыттың «Желмая», Құрманғазының «Адай», Нұрғиса Тілендиевтің «Ата толғауы» шығармалары орындалды. Сонымен бірге, Мемлекеттік филармония солисі Алтынбек Әбілда Абайдың «Айттым сәлем, Қаламқас» әнін шырқады.

Айта кетейік, Мемлекеттік академиялық филармониясының Қазақ оркестрі мен «Қорқыт ата» көне аспаптар саз тобы бүгін Ниде қаласында, 14 желтоқсанда - Бурсада, 16 желтоқсан күні Ыстанбұл қаласында концерт қояды.

Айта кетерлігі, Каппадокия – шетелдіктер үшін қызықты Түркияның туристік нысан­дарының бірі. Ежелгі дәуірде және орта ғасырларда Каппадокия сарайларымен әйгілі болған. Сол сарайлар, жерасты қалалары, үңгірдегі үйлер, түрлі пішінді таулар, жартас қуысына ойып салынған шіркеулер туристердің қызығушылығын тудырады.


Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT