+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Исекешев елорданың сүрілген ескі үйлерінің орындарына не салынатынын айтты

2017 жылғы 7 шілде 11:37
Бөлісіңіз:
Исекешев елорданың сүрілген ескі үйлерінің орындарына не салынатынын айтты

АСТАНА. ҚазАқпарат - Ағымдағы жылы елордада 10 саябақ салынады. Бұл туралы бүгін «Қала ДНК-сі: Қоғамдастық. Бизнес. Билік» бірінші урбанистік форумында елорда әкімі Әсет Исекешев мәлім етті, деп хабарлайды ҚазАқпарат.

«Бүгінде елордамыз Қазақстандағы саяси, мәдени және іскер қалалардың бірі. Әлем бойынша да жас, тез дамып келе жатқан астаналардың қатарында. Елбасы Нұрсұлтан Назарбаевтың тапсырмасы бойынша қазір Астананы табысты, жаһандық қалаға айналдыру бойынша жұмыс жасап келеміз», - деп атап өтті форумды ашқан қала басшысы.

Сонымен қатар ол қалада сүрілетін ескі үйлердің орнына не салынатындығын айтып берді.

«Біз ескі үйлерді сүре бастадық және қалалықтардан сол орындардан не көргілері келетіндігін сұраған едік. Әдетте ол жерлерге жаңа үй салынатын. Қаланың ескі бөлігінің тұрғындары шағын саябақ, шағын гүлбақтары, балалар алаңдары мен спорттық құрылғылардың болғанын қалайды екен. Біз аталған барлық қажеттіліктерді топтастыратын қоғамдық кеңістіктер құра бастадық», - деді Әсет Исекешев.

Қала басшысының айтуынша, ағымдағы жылы сүрілген ескі үйлердің орнына 19 саябақ құрылысы басталатын болады. Оның 10-ының құрылысын осы жылы аяқталмақ. Сейфуллин көшесінің бас бағындағы мемлекеттік бағдарлама арқылы салынған үйлердің ауласына спорттық балалар алаңы салынған.

«Ақбұлақ өзенінің бойында үлкен шұңқыр болған еді. Ағымдағы жылы біз оны жауып, әп-әдемі саябақ жасадық. Тұрғындар риза», - деді елорда әкімі.

Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059

MURAǴAT