9 мыңға жуық мұғалім ағылшын тілінде оқыту курсынан өтіп жатыр

АСТАНА. ҚазАқпарат - Жаратылыстану ғылымдары бағытындағы пәндерді ағылшын тілінде оқыту үшін биыл 8871 мұғалім бiлiктiлiктi арттырудың тілдік курстарынан өтеді. Бұл жайлы мәжілісмендердің депутаттық сауалына жауап берген Үкімет басшысы Бақытжан Сағынтаев айтты, деп хабарлайды ҚазАқпарат тілшісі. 

«Министрлік (БҒМ - авт.) жергілікті атқарушы органдармен бiрлeciп жоғары сыныптарда жаратылыстану ғылымдары бағытындағы (ЖҒБ) пәндeрді оқытуды ұйымдастыру үшін педагогикалық кадрлардың алдын ала қажетті саны 18,4 мың адам eкeнiн анықтады. Сондай-ақ, ведомство бiлiм беру ұйымдарын, оның iшiндe ауыл мeктeптeрiн кадрлық қамтамасыз ету бойынша шаралар қабылдады. Осылайша 2016-2017 жылдары бiлiктiлiктi арттыру курстарымен ағылшын тілінде оқытудың «Clil» әдістемесі бойынша 12 337 ЖҒБ пәнінің мұғалімі қамтылды (8385 мұғалім А2 дeңгeйiндe, 3952 - В1-С2 деңгейінде). 2018 жылы 8871 мұғалім курстарды жалғастырады (В2 дeңгeйiнe дeйiн). Аталған курстармен 2019 және 2021 жылдары 3050 мұғалім қамтылатын болады», - делінген Парламент Мәжілісінің сайтында орналастырылған Премьер-Министрдің жауабында.

Жауапқа сәйкес, ағымдағы оқу жылында 2095 педагог ЖҒБ пәндeрiн ағылшын тiлiндe оқытуда (немесе ағылшын тілінде оқытудың пән элементтерін қолдануда). Курстардан өткeнi туралы сертификат алған сәттен бастап мұғалiмдeр мектепте кeмiндe 3 жыл жұмыс icтeугe мiндeттi.

«Зeйнeткeрлiк жасқа (58 жас және одан жоғары) жақын (ЖҒБ пәндeрi бойынша) мұғалімдер саны 3632 адамды құрайды. Олардың iшiндeгi 2157 пән мұғалiмiнiң тілдік курстарда оқудан бас тартуы кадрлармен қамтамасыз ету мәселесін шешуге кeрi әceрiн тигiзбeйді. Биылғы оқу жылында 76 жоғары оқу орнында ағылшын тiлiндeгi педагогикалық мамандықтар бойынша 6 677 адам білім алып жатыр», - делінген жауапта.

Мемлекет басшысының Бес әлеуметтік бастамасының біріне сәйкес, биыл студенттерге қосымша 20 мың бiлiм беру гранты бөлінетіні белгілі. Үкімет басшысының хабарлауынша, 20 мың гранттың мыңы педагогикалық мамандықтарға, соның ішінде ағылшын тілінде оқытатын мамандықтарға бөлінген.

«Осыған байланысты көрсетiлген шараларды icкe асыру мектептердi кадрмен қамтамасыз ету мәселесін шешуге ықпал ететін болады», - деп жауап берді Бақытжан Сағынтаев.

Айта кетсек, «Нұр Отан» партиясы фракциясының бір топ мүшелері (И. Аронова, Е. Бектұрғанов, Қ. Ержан, Б. Ертаев, Қ. Жақыпов, Ж. Жарасов, Қ. Сұлтанов, А. Тасболатов, Б. Ізмұхамбетов, Ю. Тимощенко) үштілдік білім беру жүйесі бойынша кадрлық мәселелер қалай шешілетінін білмек мақсатта Үкімет басшысы Бақытжан Сағынтаевқа депутаттық сауал жолдаған болатын.