9 қаңтарда Қазақстанда болатын маңызды шаралар
НҰР-СҰЛТАН
Сағат 12:20-да ҚР Президенті жанындағы Орталық коммуникациялар қызметінің алаңында «Қазақстанның Еуропа Кеңесінің Сыбайлас жемқорлыққа қарсы мемлекеттер тобына (ГРЕКО) кіруі» тақырыбында баспасөз мәслихаты өтеді.
16:00-де Е.Вахтангов атындағы театрдың елордаға гастроліне арналған баспасөз мәслихаты өтеді.
АЛМАТЫ
10.00-де ҚР Парламенті Мәжілісінің депутаттары - «Nur Otan» партиясы фракциясының мүшелері Серік Сейдуманов және Ольга Шишигина «Тұрмыстық зорлық құрбандары болғандарға арналған дағдарыс орталығының» ұжымымен кездеседі.
11.00-де ҚР Парламенті Мәжілісінің Әлеуметтік-мәдени даму комитетінің мүшесі Зәуреш Аманжолова «Құлагер» алғашқы медициналық-санитарлық көмек орталығына барады.
11.00-де ҚР Парламенті Мәжілісінің депутаттары –«Nur Otan» партиясы фракциясының мүшелері Жұлдыз Омарбекова мен Артур Платонов кездесулер өткізеді.
11.00-де «Құтты мекен» партиялық жобасы аясында №147 жаңа балабақшада Қазақстан Республикасы Парламенті Мәжілісінің депутаты – «Nur Otan» партиясы фракциясының мүшесі Зағипа Бәлиевамен кездесуі өтеді.
12.00-де Қазақстандық Баспасөз клубында заңсыз алкогольді ішімдіктерді анықтау бойынша ауқымды акцияның өтуіне арналған «Қазақстан Тұтынушылар лигасы» қауымдастығының баспасөз мәслихаты өтеді.
15.30-да Қазақ мемлекеттік циркінде математика, физика және информатика бойынша ХVI Халықаралық Жәутіков олимпиадасының салтанатты ашылуы болады. Оған 21 елден 84 команда, сондай-ақ халықаралық қазылар алқасының мүшелері қатысады.