78 жастағы әжей өз үйінде өртеніп кетті - Түркістан облысы
Облыстық ТЖД баспасөз қызметінің мәліметінше, қарт әжейдің үйі өртеніп жатқаны туралы хабарлама күндізгі сағат 13.07-де түскен.
«Оқиға орнына ТЖД-ның 9 қызметкері мен 2 техникасы, сондай-ақ полиция қызметінің тергеу тобынан 12 қызметкер мен тағы екі техника шыққан. Жалын жеке тұрғын үйдің жатын бөлмесінен шығып, 4 ш.м жер жанып кеткен. Ондағы көрпе-төсектің арасынан 1940 жылы туған азаматшаның мәйіті табылған. Қазір өрттің шығу себептері анықталуда» делінген хабарламада.
Айта кетейік, Түрікстан облысында аптап ыстықтан өрт оқиғалары жиілеп барады. Жуырда ғана Сарыағаш ауданындағы «Арман» шипажайының негізгі ғимараты өртенсе, артынша осы аудандағы Жемісті ауылында 4 үй жанып кетті. Ондағы өртенген көліктердің бірінен 3 жасар бүлдіршіннің мәйіті табылған еді.