Қолданушы баптаулары
Қолданушы баптаулары
+7 (701) 759 90 19 Лента
Астана: 19 °С
Алматы: 28 °С
USD 336.39 EUR 390.28
RUB 5.36 CNY 52.42
Жаңалықтар

7 проценттік ипотека қай кезде беріледі

2018 жылғы 13 наурыз 12:17 2283
Бөлісіңіз:
7 проценттік ипотека қай кезде беріледі

АСТАНА. ҚазАқпарат - Қазіргі кезде мемлекеттік органдар мен банктер «7-20-25» бағдарламасын пысықтап жатыр. Дегенмен, Ұлттық банк арзан ипотеканы беру мерзімін белгілеп қойды, деп хабарлайды ҚазАқпарат тілшісі.

Ұқсас жаңалықтар
Қазақстандықтар ипотекалық қарыздарды қайта қаржыландыруға өтініш бере алады

«7 проценттік ипотеканы беру жұмыстары шамамен жылдың ортасында басталады. Маусым айының аяғына дейін барлық құқықтық-ұйымдастырушылық шараларын аяқтаймыз деген жоспар бар. Содан шілде-тамыз айларында банктер арзан ипотеканы беруді бастайды», - деді Ұлттық банк төрағасының орынбасары Олег Смоляков ҚазАқпарат тілшісіне берген сұxбатында.

Оның айтуынша, жаңа бағдарлама аясында жаңадан құрылатын компания банктерден ипотекалық несиелерді сатып алады да, жылдық мөлшерлемені 7 процентке дейін түсіреді. Ал несиені алған азаматттар барлық төлемдерін банкке жасай береді.

«Ипотекалық несиелердің алғашқы пулы жасалған бойда біз оның барлығын сатып алуға кірісеміз. Әрине, әр адамның төлем қабілеттілігіне баса назар аударылады. Енді, мемлекеттік бағдараламаларда әскерилер, әлеуметтік жағынан аз қамтылған азаматтар және тағы басқа санаттар бар. Жаңа бағдарламада ондай категориялар болмайды. Біз барлық заемдармен жұмыс істейтін боламыз», - деп атап көрсетті О.Смоляков.

7 проценттік ипотека қай кезде беріледі

Бас банкирдің орынбасары «7-20-25» бағдарламасы аясында құрылатын жаңа компания мен «Нұрлы жерде» отырған Қазақстанның ипотекалық компаниясының айырмашылығын да жеткізді. Оның айтуынша, ҚИК ипотекалық заемдарды субсидиялайды. Ал жаңа құрылатын компания ол несиелерді сатып алатын болады.

Айта кетейік, Үкіметтің бүгінгі отырысында Ұлттық банктің төрағасы Данияр Ақышев «7-20-25» бағдарламасының жобасын таныстырды. Бас банкир 7 проценттік ипотеканың басты талабын да жариялады.

 

 

 


Басты сөздер: ҚР Ұлттық банкі, Ипотека,
Бөлісіңіз:

Автор:

Арман Асқаров

Онлайн қызметкерлер
Редактор
Жанибек Амангелди
Жанибек Амангелди
954-059
Редактор
Ербол Жанат
Ербол Жанат
954-059
Мұрағат