Қолданушы баптаулары
Қолданушы баптаулары
+7 (701) 759 90 19 Лента
USD 379.19 EUR 426.63
RUB 5.92 CNY 56.54
Jańalyqtar

«7-20-25»: Ипотекалық несиені онлайн режімде мақұлдау тетігі енгізіледі

2019 жылғы 12 наурыз 16:18 1068
Бөлісіңіз:
«7-20-25»: Ипотекалық несиені онлайн режімде мақұлдау тетігі енгізіледі

АСТАНА. ҚазАқпарат - «7-20-25» бағдарламасы аясында заемды онлайн режімде алдын ала мақұлдау тетігі әзірленуде. Бұл туралы Парламент Сенатында әлеуметтік тұрғын үй сатып алу мүмкіндіктерін кеңейтуге арналған дөңгелек үстелде «Баспана» ипотекалық ұйымы» АҚ басқарма төрағасы Қайрат  Алтынбеков мәлім етті, деп хабарлайды ҚазАқпарат тілшісі.

Ұқсас жаңалықтар
Ақтөбеде екі пайыздық ипотека 1 мың мұқтаж отбасына беріледі Қармақшы тұрғыны 40 мың шөлмектен баспана салды

«Қазіргі уақытта Қазақстан азаматтары үшін «7-20-25» бағдарламасы бойынша заемды онлайн режімде алдын ала мақұлдауды іске асыру тетігі әзірленуде. Жобада әлеуетті қарыз алушыға қашықтықтан ипотекалық несие алу мүмкіндігін қарастыруға өтініш беріп, екінші деңгейлі банктердің мақұлдауын алуға жағдай туғызатын жүйені құру көзделген», - деді ол.

Осы орайда әлеуетті қарыз алушының төлем қабілеттілігін бағалау  мақсатында тиісті ақпаратты алу үшін жүйелерді біріктіру ескеріліп отыр.

«Жүйе әлеуетті қарыз алушыларға банктерге бармай-ақ, қажетті анықтамаларды жинамастан өзінің төлем қабілеттілігін бағалауға, серіктес-банктердің мақұлдауын алуға және ең тиімді банк пен талаптарды таңдауға мүмкіндік береді», - деді Қ. Алтынбеков.

Жүйеде ипотекалық қарыз алуға өтініштер беру кезінде талап етілетін барлық құжаттар, анықтамалар және есептер бойынша электрондық мұрағат құрылады да қағаз құжаттамаларды жинаудың әрі сақтаудың қажеттілігі болмайды.

Айта кетейік,қазіргі уақытта бағдарламаға елдің барлық өңірлерін қамтитын екінші деңгейдегі 8 ірі банк қатысуда.

 

 

 

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059
REDAKTOR
Ербол Жанат
Ербол Жанат
954-059
MURAǴAT