+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«7-20-25» бойынша берілетін несиенің шегі көтеріле ме

2021 жылғы 8 қыркүйек 10:27
Бөлісіңіз:
«7-20-25» бойынша берілетін несиенің шегі көтеріле ме

НҰР-СҰЛТАН. ҚазАқпарат – Жыл басынан бері баспана бағасының қымбаттауы байқалды. Осыны ескеріп, «7–20–25» бағдарламасы бойынша берілетін үйлердің шекті бағасын көтеру жоспарда бар ма? «Қазақпарат» халықаралық ақпарат агенттігінің бұл сауалына ҚР Ұлттық банкінің мамандары жауап берді.

Ұқсас жаңалықтар
Қазақстанда ипотекалық қарыз бойынша кепілде тұрған үйді өндіріп алуға тыйым салынбақ Риддерде үйі өртеніп кеткен отбасылар жаңа баспанаға көшті Қазақстанда кредит берудің бірыңғай ең жоғары сомасы бекітіледі

Банк жауабына сенсек, жыл басынан бері «7–20–25» бағдарламасы бойынша сатып алынған үйлердің орташа бағасы құжатта көрсетілген шекті бағадан 14-28% төмен болған. Осыны алға тартып, Ұлттық банк несиенің шекті мөлшерін көтеруге негіз жоқ деген қорытындыға келіпті. Бұл ұстанымдарын былай түсіндіреді.

«Бағдарламада өңірлер бөлінісінде сатып алынатын тұрғын үйге 3 баға лимиті көзделген. Бұл:

– Нұр-Сұлтан мен Алматы қалаларында және олардың қала маңы аймақтарында, Шымкент, Ақтау, Атырау қалаларында 25 млн теңгеге дейін. Аталған 5 қалаға 2021 жылы бағдарлама бойынша берілген қарыздардың 71%-ы тиесілі. Сол 71%-несиеге сатып алынған тұрғын үйдің орташа құны 18 млн теңге болған.

– Қарағанды қаласында 20 млн теңгеге дейін шек қойылған. Мұнда 2021 жылы несиеге сатып алынған тұрғын үйдің орташа құны 16,8 млн теңгені құрайды;

– қалған өңірлерде несие шегі 15 млн теңгеге дейін. Ал сатып алынған тұрғын үйдің орташа құны – 12,9 млн теңге.

Жоғарыда айтылғандай, тұрғын үйдің орташа бағасы шекті бағадан 14–28% төмен. Бұл «7–20–25» бағдарламасы шеңберінде сатып алу үшін тұрғын үйдің ең жоғары құнын арттыруға негіз бермейді», - деп жазады Ұлттық банктің баспасөз қызметі.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Айдар Оспаналиев
Айдар Оспаналиев
954-059

MURAǴAT