Қолданушы баптаулары
Қолданушы баптаулары
+7 (701) 759 90 19 Лента
USD 369.98 EUR 428.70
RUB 5.64 CNY 53.48
Жаңалықтар

7-20-25 бағдарламасының негізгі бағыттары бекітіледі

2018 жылғы 18 мамыр 12:28 1266
Бөлісіңіз:
7-20-25 бағдарламасының негізгі бағыттары бекітіледі

АСТАНА. ҚазАқпарат - Мамыр айының соңына дейін ҚР Ұлттық банкі «7-20-25» бағдарламасының негізгі бағыттарын бекітеді. Бұл туралы ҚР Ұлттық банкі төрағасының орынбасары Олег Смоляков мәлім етті, деп хабарлайды ҚазАқпарат тілшісі.

Ұқсас жаңалықтар
«7-20-25» бағдарламасы арқасында баспанаға қол жеткіздік - жас отбасы Жамбыл облысында 953 пәтер пайдалануға берілмек

«Мемлекет басшысының ипотеканы қолжетімді ету бойынша бірінші әлеуметтік бастамасы бағдарламасын бекітуге дайынбыз. Мамыр айында аталған бағдарламаның базалық ережесін қабылдау жоспарланған», - деді О. Смоляков Сенатта өткен дөңгелек үстелде.

Сонымен бірге, Ұлттық банк өкілі бағдарламаның құрылымы туралы әңгімелеп берді.

«Бағдарлама 7 проценттік мөлшерлемеден, 20 проценттен аспайтын бастапқы жарнадан және 25 жылға дейінгі несие мерзімінен құралған. Мұндағы негізгі қағида - мөлшерлеменің көбейтілмеуі, яғни қарызды беруде, қызмет көрсетуде ешқандай комиссия алынбайды. Басты талап - ресми кіріс көзінің болуы, еңбек немесе кәсіпкерлік қызметінің расталуы. Ол үшін салық органдарының немесе БЖЗҚ анықтамасын әкелуге болады. Яғни, бұл бағдарлама мемлекеттік қызметкерлерге де, кәсіпкерлерге де арналған», - деп түсіндірді ол.

«Нұрлы жер» бағдарламасымен баспана беруде үй салушылар немесе агенттен тікелей сатып алынатын жаңа баспаналарға басымдық беріледі.

«Біздің ойымызша, бағдарламаның әлеуеті зор - бес жылда шамамен триллион теңге айналымға түседі. Жылына шамамен 200 млрд теңге жаңа ипотекалық несиелер рәсімделеді», - дейді Олег Смоляков.

Бұған дейін «7-20-25» бағдарламасының 2018 жылдың екінші жартысында іске қосылатыны хабарланған еді.

 

 

Біздің каналымызға жазылыңыз:

Бөлісіңіз:

Автор:

Айжан Серікжанқызы

Загрузка...
Сондай-ақ... оқыңыз
Загрузка...
Онлайн қызметкерлер
Редактор
Ербол Жанат
Ербол Жанат
954-059
Мұрағат