6 шілде күні Қазақстанда өтетін маңызды шараларға шолу
9.00-де Астана қаласындағы Ұлттық теннис орталығында «Astana Open» әуесқойлар турнирінің ресми ашылуы өтеді.
11.00-де Ұлттық музейде «АҚШ жеке коллекцияларынан ХІХ және ХХ ғасыр суретшілері» атты сирек ұсынылатын көрменің салтанатты ашылуы өтеді.
14.00-де елордалық циркте «Азия жаңғырығы» ІХ халықаралық цирк өнері фестиваліне және цирк өнерінің 250 жылдығына арналған баспасөз мәслихаты өтеді.
17.00-де «Қазанат» ипподромында бәйге түрлерінен республикалық турнир басталады.
18.00-де «Қазақстан» орталық концерт залында XIV «Еуразия» халықаралық кинофестивалінің жабылуы өтеді.
20.00-де «Қазақ Елі» монументі алдындағы алаңда қазақстандық және шетелдік өнерпаздардың қатысуымен Астананың 20 жылдығына орайластырылған мерекелік шараларды қорытындылайтын Гала-концерт өтеді.
АЛМАТЫ
11.00-де Алматы ауданындағы Жібек Жолы көшесінде, Бостандық ауданындағы MEGA Center-де, Жетісу ауданындағы «Гүлдер» паркінде және Наурызбай аудандық әкімдігі ғимаратының алдында Астананың 20 жылдығына арналған мерекелік концерттер өтеді.
11.00-де «Байқоңыр» метро стансасында «Елімнің бас қаласы» фотокөрмесі ашылады.
17.00-де Панфилов көшесінде асфальт үстіне сурет салудан байқау, Art Party және өзге шаралар ұйымдастырылады.