+7 (701) 759 90 19 Лента
USD 386.70 EUR 427.15
RUB 6.06 CNY 54.57
Jańalyqtar

6 несиесі бар: Елорда әкімдігі көпірден секірмек болған азамат туралы айтты

2019 жылғы 12 қыркүйек 19:26
Бөлісіңіз:
6 несиесі бар: Елорда әкімдігі көпірден секірмек болған азамат туралы айтты

НҰР-СҰЛТАН. ҚазАқпарат – Елорда әкімдігі «Арқар» көпірінен секірмек болған ер адамға қатысты ақпарат берді, деп хабарлайды ҚазАқпарат тілшісі.

«1991 жылы дүниеге келген Нұр-Сұлтан қаласының тұрғыны Рүстем Ережепов есімді азамат көпірден секірмек болған. Отбасылы, 2 баласы бар. Дені сау, ешқандай құқыққорғау органдары мен медициналық мекемелерде тіркеуде тұрмайды. Аталған азаматтың тұрақты жұмысы болған, кейін шығып кеткен. Бұған дейін қалалық әкімдікке 2-3 рет өз өтініштерімен жүгінді. Атап айтқанда, тұрғын үй және жер алу мәселелері бойынша. Әкімдік өз тарапынан демеушілердің көмегі арқылы оның сұрақтарын шешкен болатын. Соңғы рет 9 қыркүйек күні азамат әкімдікке келгенде «Еңбек» бағдарламасы арқылы Солтүстік Қазақстан облысына көшу туралы келіссөз жүргізілді. Яғни, онда Ережеповтің тұрғын үй және жұмыс мәселесін шешу де қарастырылған», - деді Нұр-Сұлтан қаласы Қоғамдық даму істері басқармасының басшысы Талғат Рахманберді.

Сондай-ақ, қалалық әкімдік өкілінің айтуынша, аталған азаматтың 1 млн 300 мың теңге көлемінде 6 несиесі бар.

«Біз бұл азаматпен «Еңбек» бағдарламасы аясында барлық сұрақтарды шешіп, тек құжаттарды реттеу ғана қалған. Дегенмен, бүгінгі күнге дейін тиісті құжаттарды тапсырмады. Ал бүгін көпірден секіремін деп дүрліктірді. Қазіргі уақытта азамат Ережеповпен құқыққорғау органдарының мамандары жұмыс істеп жатыр. Ол нәтижесі туралы қосымша хабарланатын болады», -деді ол.

Айта кетсек, аталған азамат бүгін түс уақытында Сарайшық көшесінің бойында орналасқан «Арқар» көпірінен секіруге әрекет жасаған еді.


Біздің каналымызға жазылыңыз:

Басты сөздер: Нұр-Сұлтан, Оқиға,
Бөлісіңіз:

Автор:

Әли Ибраев

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT