+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

5G коронавирусқа қарсы вакциналармен байланысты психотронды қару - фейк

2021 жылғы 24 тамыз 23:08
Бөлісіңіз:
5G коронавирусқа қарсы вакциналармен байланысты психотронды қару - фейк

НҰР-СҰЛТАН. ҚазАқпарат - Қазақстандықтар тағы да 5G желілерінің зияны туралы айта бастады. Бұл жолы Telegram мессенджерінде 5G – адамдардың бойынша қорқыныш пен үрей сезімін оятуға, ауырсыну сезімін тудыруға және ойларды тікелей миға жеткізе алатын психотронды екендігі айтылған бейне таратылуда. Сондай-ақ, ролик авторларының айтуынша, осы форматтағы желілер COVID-19 қарсы вакцина компоненттерімен өзара әрекеттесе алады. Бұл жалған, деп хабарлайды stopfake.kz сайты.

Ұқсас жаңалықтар


Біріншіден, психотронды қару жоқ. Үкімет әзірлеген, адамдардың бойында белгілі бір ойлар мен эмоциялар оятуға, олардың ДНҚ өзгертуге және мінез-құлқына әсер ете алатын құпия қару – бұл қастандық теориясы ғана. Кейбір адамдар мұндай технологиялардың бар екендігіне сенеді, ал басқалары оны қару ретінде «ынағанын» сезінеді. Әдетте, олар енді өздері ойлана алмайтындарын, дененің әртүрлі бөліктерінде ауырсынуды сезінеді және өздерін біреулер бақылайтынына сенімді, бұған ұдайы «дәлелдер» тауып отырады. Сарапшылар мұндай белгілерді Кандинский-Клерамбо ашықтық синдромының симптомдары деп атайды, өз кезегінде бұл параноидтық шизофренияның дамуының белгісі болып табылады.
Бүгінгі таңда инфрадыбыс қолданылатын жиналған халықты таратуға арналған құрылғылар бар, оларды кейде «психотронды» деп те атайды. Оның ыңғайсыздық тудыратыны рас, бірақ ол ойлар мен эмоцияларды тудырмайды немесе басқа жолмен психикаға әсер ете алмайды.
Демек, ролик кейіпкерінің психотрондық қару маңызды нысандардың айналасында орнатылғандығы және оларға жақындаған адамдар қорқып, аумаққа кіре алмайды деген сөздері ойдан шығарылған. Сонымен қатар, бұл Ақ Үйге, Букингем сарайына және т.б. күзетілетін нысандарға заңсыз кірудің жағдайларымен де теріске шығарылады.
2019 жылы миллионнан астам адам 2013 жылға дейін АҚШ-тың Невада қаласында орналасқан әскери базаға 51-аймаққа шабуыл жасауды жоспарлаған. Нәтижесінде шабуыл болған жоқ, бірақ жүздеген адам жақын жерде ұйымдастырылған фестивальдарда көңіл көтерді, олардың көбі базаның қақпасына жақындап, еш қорықпастан күзетшілермен әңгімелесті.
Екіншіден, 5G мұнаралары қару деген де қастандық теориясы болып табылады. Бұған дейін біз оны егжей-тегжейлі талдап, ұялы байланыс құрылғыларында қару деп санауға болатын лазер, зеңбірек немесе жұмбақ «сәулелендіргіш» жоқ екендігін жазған болатынбыз. Сондай-ақ, көше шамдары жаппай қырып-жою қаруы, қатерлі ісік пен басқа да емделмейтін ауруларды тудыратыны туралы ұқсас теориялар туралы айттық.
Үшіншіден, 5G желілері мен COVID-19 пандемиясының арасында байланыс жоқ. Аурудың қоздырғышы жаңа буындағы желілері арқылы берілуі мүмкін деген нұсқаны ДДСҰ жоққа шығарды.
Сонымен қатар, 5G толқындары тері жасушаларында SARS-CoV-2 коронавирусын тудыруы мүмкін деген аңызды жоққа шығардық.

5G сигналдары КВИ вакциналарының компоненттерімен өзара әрекеттесе алмайды. Өйткені, вакциналарда кез келген радио сигналдарын қабылдап, тарататын немесе өңдей алатын ингредиенттер жоқ.
Вакциналардың құрамымен толығырақ мына жерден танысуға болады:

Pfizer/BioNTech;
Moderna;
Janssen;
Astra-Zeneca;
Sputnik – V;
Hayat-Vax (Sinopharm);
QazVac;
CoronaVac;
Vero Cell.

Ғалымдар 5G желілерінің адамдар үшін қауіпсіз екендігіне қатысты зерттеулер жүргізді және оны жалғастыруда. Бүгінгі таңда мұндай форматтағы толқындар физикалық немесе психикалық денсаулыққа теріс әсер етуі мүмкін деп айтуға негіз жоқ.
5G желілері психотронды да, басқа да қару емес. Ұялы байланыс сигналдары КВИ қарсы вакциналарымен өзара әрекет етпейді және осы аурудың пандемиясымен байланысты емес.

Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жарылқасын Саягүл
Жарылқасын Саягүл
954-059

MURAǴAT