+7 (701) 759 90 19 Лента
USD 387.34 EUR 428.44
RUB 6.04 CNY 54.58
Jańalyqtar

577 мыңнан астам адам Мемлекеттік әлеуметтік сақтандыру қорынан төлемдер алды

2019 жылғы 10 қыркүйек 12:56
Бөлісіңіз:
577 мыңнан астам адам Мемлекеттік әлеуметтік сақтандыру қорынан төлемдер алды

НҰР-СҰЛТАН. ҚазАқпарат – 2019 жылдың 8 айында 577 мың қазақстандық шамамен 129,9 млрд теңге сомасында Мемлекеттік әлеуметтік сақтандыру қорынан (МӘСҚ) төлемдер алды, деп хабарлайды ҚазАқпарат тілшісі.

Ұқсас жаңалықтар
Қостанайда жастардың «әлеуметтік тойы» өтті 114 мыңнан астам азаматтың 700 млн теңгеге жуық өсімпұлы есептен шығарылды Қазақстанда асыраушысынан айырылу бойынша жәрдемақы өседі

«Кейбір азаматтар МӘСҚ-дан бірден бірнеше төлем түрлерін алатындығын айта кету керек. Осылайша, асыраушысынан айырылған жағдайда төленетін төлем сомасы 6,3 млрд теңгені (төлемдердің жалпы көлемінің 4,9%), еңбек қабілетінен айырылған жағдайда – 9,1 млрд теңгені (7%), жұмысынан айырылған жағдайда – 2,9 млрд теңгені (2,3%), жүктілігіне және босануына, жаңа туған баланы (балаларды) асырап алуға байланысты табысынан айырылған жағдайда – 52,1 млрд теңгені (40,1%), бала бір жасқа толғанға дейін оның күтіміне байланысты табысынан айырылған жағдайда – 59,5 млрд теңгені (45,8%) құрады», - делінген Еңбек және халықты әлеуметтік қорғау министрлігінің мәліметінде.

Жүктілігіне және босануына, жаңа туған баланы (балаларды) асырап алуға байланысты аналарға арналған Мемлекеттік әлеуметтік сақтандыру қорынан төленетін төлемдердің орташа мөлшері 416 400 теңгеге жетті, ал төлем алушылардың саны 134,7 мың адамды қамтыды.

Бала бір жасқа толғанға дейін оның күтіміне байланысты әлеуметтік төлем мөлшері 31 052 теңгені құрады, оны 353,8 мың қазақстандық алды.

Жұмысынан айрылу жағдайы бойынша 47 мың адам әлеуметтік жәрдемақы алды, оның орташа мөлшері 22 401 теңге сомасында. 45,6 мыңнан астам қазақстандыққа асыраушысынан айрылу жағдайында төлемдер төленді, олардың орташа мөлшері 17 578 теңгені құрады.

«Тағы 82,9 мың азамат еңбек ету қабілетінен айырылған жағдайда әлеуметтік төлем алды. Төлемнің орташа мөлшері 14 855 теңгені құрады. Сонымен қатар, еңбек ету қабілетінен айырылу және асыраушысынан айырылу бойынша алушыларға мемлекеттік бюджет қаражаты есебінен төлемдер жүргізіледі», - деп аталып өткен хабарламада.

2019 жылдың 8 айында МӘСҚ-ға Міндетті әлеуметтік сақтандыру жүйесінің 5,9 млн қатысушысы үшін жалпы сомасы 161,9 млрд теңге әлеуметтік аударымдар келіп түсті. Төлеушілер жалпы сомасы 0,3 млрд теңгеге әлеуметтік аударымдарды уақытылы аудармағаны үшін өсімпұл аударды. Есепті кезеңде бірыңғай жиынтық төлемді төлеушілер саны 171,4 мың адамды құрады.

Біздің каналымызға жазылыңыз:

Бөлісіңіз:

Автор:

Руслан Ғаббасов

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Айдар Оспаналиев
Айдар Оспаналиев
954-059

MURAǴAT