+7 (701) 759 90 19 Лента
USD 385.16 EUR 425.95
RUB 6.01 CNY 54.51
Jańalyqtar

5 әскери сот таратылып, 34 судья қызметінен босатылды - Жоғарғы сот кеңесі

2019 жылғы 4 шілде 12:11
Бөлісіңіз:
5 әскери сот таратылып, 34 судья қызметінен босатылды - Жоғарғы сот кеңесі

НҰР-СҰЛТАН. ҚазАқпарат - Жоғары сот кеңесінің төрағасы Талғат Донақовтың басшылығымен кеңестің кезекті отырысы өтті. Бұл жөнінде Жоғарғы сот кеңесінің аппаратына сілтеме жасап ҚазАқпарат хабарлайды.

Басқосудың қорытындысы бойынша, кеңес мүшелері 5 әскери сотты тарату туралы шешімге келісімін берді (Ақтау, Қарағанды, Қостанай, Талдықорған, Өскемен гарнизондары). Ондағы штаттық лауазымдар жергілікті соттарға ауыстырылады.

Сонымен қатар, кеңесте ҚР Жоғарғы сотының қылмыстық істер жөніндегі Алқасының төрағасы лауазымына үміткердің кандидатурасы мақұлданды.

« Бұдан бөлек, 34 судья түрлі себептермен атқарып жатқан қызметінен босатылатын болды. Оның ішінде 17-сі судья болып қала береді және басқа лауазымдарға тағайындалады. Кеңес отырысында сондай-ақ Жоғарғы сот жанындағы Сот төрелігін жүзеге асыру сапасы жөніндегі комиссия шешімдеріне және Сот жюриінің шешімдеріне судьялардан түскен 6 шағым қаралды. Оларды қарау бойынша 2 судьяның шағымдары қанағаттандырылып, қалған 4 судья бойынша шешім өз күшінде қалды » делінген хабарламада.

Жиында мамандандырылған тергеу соттарының төрағалары мен судьяларының бос орындарына орналасуға 2018 жылы 21 желтоқсанында жарияланған конкурс қорытындыланды. Нәтижесінде бос лауазымдарға 103 үміткер ұсынылды. Оның ішінде 31 адам тұңғыш рет судья қызметіне ұсынылды.

Кеңес отырысының қорытындысы бойынша тиісті шешімдер мен ұсынымдар қабылданды. Жоғары Сот кеңесі қабылдаған шешімдер туралы нақты ақпарат кеңестің сайтында орналастырылады.

Біздің каналымызға жазылыңыз:

Басты сөздер: Заң, Сот, ҚР Жоғарғы соты,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT