4 миллионнан астам қазақстандықтың әлеуметтік төлемдері 2 рет индекстелді
«Сіздің тапсырмаңыз бойынша жыл басынан бері ең төменгі жалақы деңгейі 60 мың теңгеге дейін көтерілді. Бұл 1,7 млн жалдамалы қызметкердің табысына оң әсерін тигізді. Биыл әлеуметтік төлемдер 2 мәрте индекстелді. Бұл 4,1 млн адамның табысын қамтыды. Оның 2,2 миллионы – зейнеткер», - деді Әлихан Смайылов.
Сондай-ақ, Үкімет басшысы азаматтық қызметтегі 1,2 млн адамның жалақысын кезең-кезеңімен арттыру жүріп жатқанын айтты.
«Мысалы, білім беру мен әлеуметтік салада жалақы 25% өсе, денсаулық сақтау саласында 20%-дан 30%-ға дейін артты.
Сондай-ақ, жеке және квазимемлекеттік сектордағы 1,5 млн қызметкердің жалақысын арттыру бойынша жұмыс жүргізілді.
Нәтижесінде, жылдың алғашқы 5 айында халықтың ақшалай табысы нақты мәнде өткен жылмен салыстырғанда 3% өсті», - деді Үкімет басшысы.
Айта кетейік, Мемлекет басшысы Қасым-Жомарт Тоқаевтың төрағалығымен Үкіметтің кеңейтілген отырысы өтті.
Мемлекет басшысы Қасым-Жомарт Тоқаев Халықтың табысын арттыру бағдарламасын сынға алды.
Президенттің жиында сөйлеген сөзінің толық мәтіні жарияланды .